Fana: At a Speed of Life!

ፌስቡክ ከሳዑዲ ዓረቢያ ጋር ግንኙነት አላቸው ባላቸውና ሃሰተኛ መረጃዎችን የሚያሰራጩ ገጾችን አገደ

አዲስ አበባ፣ ሃምሌ 25፣ 2011 (ኤፍ.ቢ.ሲ) ፌስቡክ ከሳዑዲ ዓረቢያ ጋር ግንኙነት አላቸው ባላቸውና ሃሰተኛ መረጃዎችን የሚሰራጩ ገጾችን ከመተግበሪያው አግዷል።

ፌስቡክ ከሳዑዲ ዓረቢያ ባለስልጣናት ጋር ግንኙነት ያላቸውና በመተግበሪያው ላይ የሀሰት ፕሮፖጋንዳ የሚያሰራጩ ተጠቃሚዎች መኖራቸውን አስታውቋል።

ተጠቃሚዎቹ መረጃዎችን የሚያሰራጩት ሀሰተኛ ገጾችን በመጠቀም መሆኑን ደርሸበታለሁ ነው ያለው።

ይህን ተከትሎም ሀሰተኛ ገጾችን በመክፈት የተለያዩ ፕሮፖጋንዳዎችን የሚያሰራጩ 350 የሚደርሱ የፌስቡክ ገጾችን ከመተግበሪያው ማስወገዱን አስታውቋል።

ሀሰተኛ መረጃዎችን የማሰራጨት ዘመቻው የመካከለኛው ምስራቅ እና ሰሜን አፍሪካ ሀገራት ላይ ትኩረት ያደረገ መሆኑ በዘገባው ተመላክቷል።

ይሁን እንጅ ሳዑዲ ዓረቢያ እስካሁን በጉዳዩ ዙሪያ ምንም አይነት አስተያየት አለመስጠቷን ቢቢሲ ዘግቧል።

ፌስ ቡክ በመተግበሪያው ላይ የሚሰራጩ ሀሰተኛ መረጃዎችንና የጥላቻ ንግግሮችንና ለመከላከል ዘመናዊ ቴክኖሎጂዎችን ከመጠቀም ባለፈ በተለያዩ የዓለም ሀገራት የይዘት መገምገሚያ ማዕከላት መክፈቱ ይታወሳል።

 

You might also like
Comments
Loading...