Fana: At a Speed of Life!

ፋሲል ከነማ ከታንዛኒያው አዛም ጋር ላለባቸው የመልስ ጨዋታ ዳሬሰላም ናቸው

አዲስ አበባ፣ ነሃሴ 16፣ 2011 (ኤፍ.ቢ.ሲ) ፋሲል ከነማ በአፍሪካ ኮንፌዴሬሽን ካፕ ከታንዛኒያው አዛም ጋር ላለባቸው የመጀመሪያው ዙር የመልስ ጨዋታ የታንዛኒያዋ ዳሬሰላም ገብተዋል።

ፋሲል ከነማ የፊታችን ቅዳሜ ነሃሴ 18 2011 ዓ.ም የሚካሄደው የመልስ ጨዋታ ላይ ለመካፈል በትናንትናው እለት ከሰዓት በኋላ ነው ዳሬ ሰላም የደረሱት።

የመልስ ጨዋታው በሚካሄድበት የአዛም ኮምፕሌክስ ሜዳም በትናንትናው እለት ከ10:30 እስከ 12:00 ሰዓት ልምምድ ማድረጋቸውንም ፋሲል ከነማ እግር ኳስ ክለብ አስታውቋል።

ከአዛም ጋር በባህር ዳር ስታዲየም በተካሄደው ጨዋታ የማሸነፊያዋን ጎል ያስቆጠረው በዛብህ መለዮ በጉዳት ምክንያት ከቡድኑ ጋር ወደ ዳሬሰላም እንዳልተጓዘም ከክለቡ የተገኘ መረጃ ያመለክታል።

ቀሪዎቹ ሌሎች ሁሉም ተጫዋቾች በሙሉ ጤንነት ላይ እንደሚገኙም ነው ፋሲል ከነማ ያስታወቀው።

በአፍሪካ ኮንፌዴሬሽን ካፕ ውድድር ተሳታፊ የሆነው ፋሲል ከነማ የመጀመሪያውን የማጣሪያ ጨዋታ በሜዳው የባህርዳር አለማቀፍ ስታዲየም ማድረጉ ይታወሳል።

ፋሲል ከነማ የታንዛኒያውን አዛምን በሜዳው ባስተናገደበት ጨዋታም በዛብህ መለዮ ባስቆጠራት ብቸኛ ጎል 1ለ0 በማሸነፍ ሙሉ ሶስት ነጥብ ይዞ መውጣት ችሏል።

You might also like
Comments
Loading...