Fana: At a Speed of Life!

ፊሊፔ ኮቲንሆ በአንድ አመት የውሰት ውል ባየርን ሙኒክን ተቀላቀለ

አዲስ አበባ ፣ ነሃሴ 13 ፣ 2011 (ኤፍ ቢ ሲ) ብራዚላዊው አማካይ ፊሊፔ ኮቲንሆ በአንድ አመት የውሰት ውል ባየርን ሙኒክን ተቀላቀለ።

የባቫሪያኑ ክለብ ብራዚላዊውን የአጥቂ አማካይ በአንድ አመት ውሰት ለማቆየት 19 ሚሊየን ፓውንድ መክፈሉም ነው የተሰማው።

ክለቡ ተጫዋቹን በቋሚነት ማስፈረም ከፈለገም የ110 ሚሊየን ፓውንድ የግዥ አማራጭ ቀርቦለታል።

ክለቡ ተጫዋቹን በውሰት ውል ሲያስፈርም ከአመታዊ ደመወዙ እጅግ ከፍ ያለውን ለመሸፈን በመስማማት መሆኑም ተገልጿል።

ኮቲንሆ ያለፈውን አንድ አመት በስፔኑ ክለብ ባርሴሎና ያሳለፈ ሲሆን፥ አብዛኛውን ጊዜ በአሰልጣኝ ኤርኔስቶ ቫልቨርዴ ቡድን በቋሚነት መሰለፍ አልቻለም።

ይህን ተከትሎም የተሻለ የመጫወት እድል ወደሚያገኝበት ክለብ የመዛወር ፍላጎት እንዳለው ሲነገር ቆይቷል።

 

You might also like
Comments
Loading...