Fana: At a Speed of Life!

ጠ/ሚ ዶክተር አብይ ከብሪታኒያ የዓለም አቀፍ የልማት ትብብር ሚኒስትር ጋር ተወያዩ

አዲስ አበባ፣ ነሃሴ 17፣ 2011 (ኤፍ.ቢ.ሲ) የኢፌዴሪ ጠቅላይ ሚኒስትር ዶክተር አብይ አህመድ ከብሪታኒያ የዓለም አቀፍ የልማት ትብብር ሚኒስትር አሎክ ሻርማ ጋር ተወያዩ።

በውይይቱ ወቅት የብሪታኒያ የዓለም አቀፍ የልማት ትብብር ሚኒስትር አሎክ ሻርማ፥ ኢትዮጵያ የኢኮኖሚ አጃንዳ ቀርፃ እየተገበረች እንደምትገኝ እና ማሻሻያ እያደረገች መሆኑን አንስተዋል፡፡

ብሪታኒያ በኢትዮጵያ የተጀመረውን የኢኮኖሚ እና የተለያዩ የማሻሻያ ስራዎችን እንደትምደግፍ ተናግረዋል።

አሎክ ሻርማ ከውይይቱ በኋላ በሰጡት መግለጫ የኢትዮጵያ ስኬት፤ የአፍሪካ ብሎም የአለም ስኬት በመሆኑ ብሪታኒያ የልማት አጋርነቷን እንደምትቀጥል ገልፀዋል፡፡

ከኢትዮጵያ ጋርም በሁሉም የልማት መስኮች ያለውን ትብብር አጠናክረው እንደሚቀጥሉ አረጋግጠዋል፡፡

የብሪታኒያ የዓለም አቀፍ የልማት ትብብር ሚኒስትር አሎክ ሻርማ በኢትዮጵያ ጉብኝት በማድረግ ላይ ይገኛሉ።

በትናንትናው እለት ከኦሮሚያ ክልል ምክትል ርዕስ መስተዳድር አቶ ሽመልስ አብዲሳ ጋር በመሆን የኢስተርን ኢንዱስትሪ ዞንን ጎብኝተዋል።

በዚሁ ወቅትም የብሪታኒያ መንግስት በኢትዮጵያ ለሚደረጉ የኢንቨስትመንት ስራዎች ድጋፍ እንደሚያደርግ መግለፃቸው ይታወሳል።

በአላዛር ታደለ

You might also like
Comments
Loading...