Fana: At a Speed of Life!

ጠ/ሚ ዶክተር አብይ በአርሲ ዞን በኩታ ገጠም የለማ የስንዴ እና ገብስ ማሳን ጎበኙ

አዲስ አበባ፣ ነሃሴ 12፣ 2011 (ኤፍ.ቢ.ሲ) ጠቅላይ ሚኒስትር ዶክተር አብይ አህመድ በአርሲ ዞን በኩታ ገጠም የለማ የስንዴ እና ገብስ ማሳ ጎበኙ።

ጠቅላይ ሚኒስትሩ ዛሬ ረፋድ ላይ በአርሲ ዞን ዴገሎና ጢጆ፣ ሄጦሳ እና ሙኔሳ ወረዳዎች በመገኘት በአርሶ አደሮች በኩታ ገጠም የለማውን የስንዴና ገብስ ማሳ ጎብኝተዋል፡፡

በዚሁ ጉብኝት ላይ የኢፌዴሪ መከላከያ ሚኒስትር አቶ ለማ መገርሳ እና የኦሮሚያ ክልል ምክትል ርዕሰ መስተዳድር አቶ ሽመልስ አብዲሳ ተገኝተዋል፡፡

በጉብኝቱ ወቅትም ምልከታው የግብርናውን ዘርፍ ለማበረታታትና ያለበትን ደረጃ ለመገምገምና አርሶ አደሩን ለማበረታታት ያለመ መሆኑን ተናግረዋል።

በኩታ ገጠም እርሻ የታየው ልምድም በግብርናው ዘርፍ ትልቅ ውጤት ማግኘት እንደሚቻል ማሳያ መሆኑንም ነው የተናገሩት።

ከዚህ ባለፈም አሁን ያለው የአርሶ አደሩ እንቅስቃሴ እንደ ሃገር በቀጣዮቹ ሶስት አመታት ከውጭ የሚገባውን ስንዴ ለማስቆም የታሰበውን እቅድ ለማሳካት የሚያግዝ ነው ብለዋል።

በጉብኝታቸው ወቅት አበረታች ስራ መሰራቱን መታዘብ መቻላቸውንም ጠቅሰዋል።

ጠቅላይ ሚኒስትሩ መላው ህብረተሰብ አንድነቱን በማጠናከር ፊቱን ወደ ልማት እንዲያዞርም መልዕክት አስተላልፈዋል።

 

በአዳነች አበበ

 

You might also like
Comments
Loading...