Fana: At a Speed of Life!

ጠቅላይ ሚኒስትር ዶ/ር አብይ ከሳዑዲ አልጋወራሽ ሞሃመድ ቢን ሳልማን ጋር በስልክ ተወያዩ

አዲስ አበባ፣ ነሃሴ 13፣ 2011 (ኤፍ.ቢ.ሲ) ጠቅላይ ሚኒስትር ዶክተር አብይ አህመድ ከሳዑዲ አረቢያው አልጋወራሽ ሞሃመድ ቢን ሳልማን ቢን አብዱላዚዝ ጋር በስልክ ተወያዩ።

በውይይታቸውም የሳዑዲ አረቢያው አልጋወራሽ ሞሃመድ ቢን ሳልማን ቢን አብዱላዚዝ ኢትዮጵያ የሱዳን የፖለቲካ ፓርቲዎች ወደሰላም እንዲመጡ የነበራትን ሚና አድንቀዋል።

ኢትዮጵያ ለቀጠናው ሰላም እና መረጋጋት እያከናወነወች ያለውን ተግባር ሳኡዲ አረቢያ እንደምትደግፍም መናገራቸውን የሳዑዲ ፕሬስ ኤጀንሲ ዘግቧል።

የሱዳን ተቃዋሚዎችና ወታደራዊ ሃይል ስልጣን መጋራት የሚያስችላቸውን የመጨረሻ ስምምነት ባሳለፍነው ቅዳሜ መፈራረማቸው ይታወሳል።

የፊርማ ስነ ስርዓቱ ላይም ጠቅላይ ዶክተር አብይ አህመድን ጨምሮ የአፍሪካ ህብረት ኮሚሽን ሊቀ መንበር ሙሳ ፊኪ መሃመት እና የሌሎች ሀገራት መሪዎች በተገኙበት መካሄዱም ይታወሳል።

የሱዳን ተቀናቃኝ ኃይሎች ሉዓላዊ ምክር ቤት መመስረት መቻላቸውን ተከትሎ በርካታ ሱዳናውያን ለዶክተር ዐቢይ አህመድ ምስጋናቸውን አቅርበዋል።

በካርቱም በተካሄደው የፊርማ ስነ ስርዓት ላይ የታደሙት ጠቅላይ ሚኒስትር ዶክተር አብይ አህመድ ወደ ሀጋራቸው ሲመለበሱም ከሱዳን እስር ቤቶ ከተለቀቁ በኋላ በሱዳን የኢትዮጵያ ኤምባሲ ተጠልለው የቆዩ 105 ኢትዮጵያውያንን ይዘው ተመልሰዋል፡፡

አነዚህ ኢትዮጵያዊያን በህገወጥ መንገድ ሱዳንን መተላለፊያ በማድረግ ወደ አውሮፓና መካከለኛው ምስራቅ ለመግባት ሲሞክሩ በቁጥጥር ስር የዋሉ መሆናቸው ተገልጿል።

You might also like
Comments
Loading...