Fana: At a Speed of Life!

የጤና ሚኒስትር ዶ/ር አሚር ከዶ/ር ቴድሮስ አድሀኖም ጋር ተወያዩ

አዲስ አበባ፣ ነሃሴ 15፣ 2011 (ኤፍ.ቢ.ሲ) የጤና ሚኒስትር ዶክተር አሚር አማን ከአለም የጤና ድርጅት ዳይሬክተር ጄኔራል ዶክተር ቴድሮስ አድሀኖም ጋር ተወያዩ፡፡

በዚህ ወቅት የኢትዮጵያን የጤና ዘርፍ ለማጠናከር፣ የመረጃ አያያዝ እና አጠቃቀም ስርዓትን ለማጎልበት በጋራ ለመስራት ትኩረት አድርገው መክረዋል፡፡

በተለይም ክትባት፣ የመረጃ አብዮት እና የዘርፈ ብዙ የወረዳ ትራንስፎርሜሽን ስራዎች የትኩረት አቅጣጫዎች ዙሪያ እንደተወያዩ ዶክተር አሚር አስታውቀዋል፡፡

ዶክተር አሚር አማን ከዶክተር ቴድሮስ አድሀኖም ጋር የተወያዩት በኮንጎ ብራዛቪል እየተካሄደ በሚገኘው የዓለም የጤና ድርጅት የአፍሪካ ቅርንጫፍ 69ኛ ዓመታዊ ጉባዔ ጎን ለጎን ነው፡፡

ከፌደራል እና ከክልል ጤና ቢሮ የተውጣጣው የኢትዮጵያ ልዑክ ቡድንም በስብሰባው ላይ እየተሳተፈ ይገኛል።

በጉባዔው ላይ በአህጉሪቱ በጤና ዙሪያ እየተሰሩ ያሉ ስራዎች፣ የተመዘገቡ ውጤቶች፣ ያጋጠሙ ተግዳሮቶች እና የፖሊሲ አቅጣጫዎች ላይ ውይይት ይደረጋል።

You might also like
Comments
Loading...