Fana: At a Speed of Life!

የደም ግፊት መጠንን በስማርት ስልክ ቪዲዮ ለመለካት እየተሰራ መሆኑ ተገለፀ

አዲስ አበባ፣ ነሃሴ 8፣ 2011 (ኤፍ.ቢ.ሲ) ከፍተኛ የደም ግፊቶች የልብ ህመም እና ስርቶክን ጨምሮ ሌሎች እስከ ሞት የሚዳርጉ በሽታዎች መጋለጣችንን የሚያመላክት የማስጠንቀቂያ መልእክት ነው።

ታዲያ እነዚህን ችግሮች ቀድሞ ለመረዳት በየጊዜው የደም ግፊታችንን መጠን የግድ ነው።

ለዚህም ደግሞ ሁሌም ወደ ጤና ተቋም ከመሄድ ይልቅ በቤታችን ሆነን መከታተል የሚያስችሉ ቴክኖሎጂዎች በየጊዜው እየተሰሩ እና እየተሞከሩ ይገኛሉ።

የደም ግፊትን በቀላሉ በቤታችን ወስጥ ሆኖ መከታተል መቻል ደግሞ የበርካቶችን ህይወት መታደግ እንደሚቻል ነው ተመራማሪዎች ያስታወቁት።

ለዚህም ይረዳ ዘንድ “ትራንስደርማል” የተባለ ቴክኖሎጂ መስራታቸውን ያስታወቁት ተመራማሪዎቹ፥ ቴክኖሎጂው በስማርት ስልካችን ካሜራ አማካኝነት በፊታችን ውስጥ ያለውን የደም ዝውውር በመመልከት ስለ ደም ግፊታችን መጠን መረጃ የሚሰጥ ነው።

በካናዳ ቶሮንቱ ዩኒቨርሲቲ የጥናት ቡድኑ መሪ የሆኑት ካንግ ሊ፥ በቴክኖሎጂው አማካኝነትስማርት ስልኮችን በመጠቀም የአንድን ሰው የደም ግፊት መጠን በ30 ሰከንድ ውስጥ ማወቅ እንደተቻለ አስታውቀዋል።

ይህ ቴክኖሎጂ በስፋት ስራ ላይ ውሎ ሰዎች በቀላሉ የደም ግፊታቸውን መጠን እንዲለኩ ማድረግ እንፈልጋለን ያሉት ሊ፥ በዚህ ላይ እየተሰራ መሆኑንም አስታውቀዋል።

ቴክኖሎጂው ብርሃንን የሚጠቀም ሲሆን፥ ብርሃኑ ቆዳችን ወስጥ በማለፍ በሚገባበት ጊዜ የስማርት ስልኮቻችን ካሜራዎች በፊታችን ላይ ያለውን የደም ዝውውር በማየት የደም ግፊታችንን መጠን ለመገመት ያስችለዋል ተብሏል።

በአሁኑ ወቅትም ቴክኖሎጂውን ወደ ስራ ለማስገባት እየተሰራ ሲሆን፥ እስካሁንም በ1 ሺህ 300 ቻይናውያን እና ካናዳውያን ወጣቶች ላይ መሞከሩን አስታውቀዋል።

በዚህም ቴክኖሎጂው ከ96 እስከ 95 በመቶ ስኬታማ ሆኖ መገኘቱ ነው የተለወየው።

ሆኖም ገን ቴክኖሎጂውን ሙሉ በሙሉ ስራ ላይ ከማዋል ቀደም ብሎ በርካታ ስራዎች መሰራት እንዳለባቸውም ነው የተገለፀው።

ምንጭ፦ www.upi.com/Health

You might also like
Comments
Loading...