Fana: At a Speed of Life!

የየመን ተቀናቃኝ ሀይሎች የወደብ ከወማዋ ኤደንን መቆጣጠራቸው ተሰማ

አዲስ አበባ፣ ነሃሴ 5፣ 2011 (ኤፍ.ቢ.ሲ) የየመን ተቀናቃኝ ሀይሎች የወደብ ከተማ የሆነችውን ኤደንን መቆጣጠራቸው ተነግሯል።

የደቡባዊ የመን የሽግግር ምክር ቤት በማለት ራሳቸውን የሚጠሩት እና ደቡባዊ የመን ራሷን የቻለች ሀገር እንድትሆን የሚፈልጉ ሀይሎች ናቸው የኤደን ከተማን መቆጣጠራቸው የተነገረው።

ተቀናቃኝ ሀይሎቹ በዓለም አቀፉ ማህበረሰብ ከሚደገፈው የየመን መንግስት ታማኝ ወታደሮች ጋር ለረጀም ሰዓታት ከተዋጉ በኋላ ከተማዋን መቆጣጠራቸው ተነግሯል።

እንደ ተቀናቃኝ ሀይሎቹ ገለጻ ከሆነ፥ በኤደን ከተማ ውስጥ የሚገኙ ወታደራዊ ካምፖች እና የፕሬዚዳንት ቤተ መንግስትን ተቆጣጥረዋል።

የአይን እማኞች እንደተናገሩት ከሆነ ደግሞ ታጣቂዎቹ በኤደን ከተማ የሚገኝ የዜና አገልግሎት ኮምፕሌክስ ተቆጣጥረዋል።

በተጨማሪም የየመን የሀገር ውስጥ ሚኒስቴር ህንጻንም መቆጣጠራቸውን ነው የተናገሩት።

የየመን መንግስት ራሱን የደቡባዊ የመን የሽግግር ምክር ቤት የሚለው ሀይል የፈፀመው ተግባር የመፈንቅለ መንግስት ሙከራ ነው ሲል ወንጅሏል።

በሳዑዲ አረቢያ የሚመራው ጥምር ጦር በበኩሉ ራሱን የደቡባዊ የመን የሽግግር ምክር ቤት ብሎ በሚጠራው ሀይል ላይ ወታደራዊ እርምጃ መውሰዱን አስታውቋል።

ምንጭ፦ www.bbc.com

You might also like
Comments
Loading...