Fana: At a Speed of Life!

የእንግሊዝ ፕሪሚየር ሊግ ዛሬ ምሽት ይጀመራል

አዲስ አበባ ፣ ነሐሴ 3 ፣ 2011 (ኤፍ ቢ ሲ) የ2019/20 የእንግሊዝ ፕሪሚየር ሊግ እግር ኳስ ውድድር ዛሬ ምሽት አሃዱ ብሎ ይጀምራል።

የሊጉ ተሳታፊ ክለቦችም ለቀጣዩ የውድድር ዘመን ተጠናክረው ለመቅረብ በክረምቱ የዝውውር መስኮት ተሳትፎ ሲያደርጉ ቆይተዋል።

ዛሬ ሊጉ ሲጀምር የየርገን ክሎፑ ሊቨርፑል እንግዳውን ኖርዊች ሲቲን ምሽት 4 ሰዓት ያስተናግዳል።

አምና ቡድናቸውን ለዋንጫ ፉክክር ይዘው የዘለቁት አሰልጣኝ ክሎፕ ትልልቅ ከሚባሉት ክለቦች ያነሰ የዝውውር ተሳትፎ በማድረግ ነው ለውድድሩ የቀረቡት።

ነገ ቅዳሜ የአምናው የሊጉ አሸናፊ ማንቼስተር ሲቲ ከዌስትሃም ዩናይትድ ጋር 8 ሰዓት በለንደን ስታዲየም ይጫወታል።

ሲቲ የኮሚዩኒቲ ሺልድ ዋንጫን በማንሳት ለውድድሩ ጥሩ የሞራል ስንቅ ይዟል።

ክሪስታል ፓላስ ከ ኤቨርተን፣ በርንሌይ ከሳውዝሃምፕተን፣ ዋትፎርድ ከ ብራይተን እንዲሁም በርንማውዝ ከሼፊልድ ዩናይትድ የሚያደርጓቸው ጨዋታዎች ደግሞ ቅዳሜ 11 ሰዓት ላይ ይካሄዳሉ።

በዕለቱ ምሽት 1 ሰዓት ከ30 ቶተንሃም ሆትስፐርስ ከአስተንቪላ ይጫወታሉ።

እሁድ ደግሞ ሌሲስተር ሲቲ ከወልቭስ እንዲሁም ኒውካስትል ዩናይትድ ከአርሰናል 10 ሰዓት ላይ የሚጫወቱ ይሆናል።

የመክፈቻው ታላቅ ጨዋታ ኦልድትራፎርድ ላይ በማንቼስተር ዩናይትድ እና ቼልሲ መካከል 12 ሰዓት ከ30 ላይ ይደረጋል።

 

You might also like
Comments
Loading...