Fana: At a Speed of Life!

የኢትዮጵያ ምርት ገበያ በሐምሌ ወር 51 ሺህ ቶን ምርት አገበያየ

አዲስ አበባ፣ ሃምሌ 3፣ 2011 (ኤፍ.ቢ.ሲ) የኢትዮጵያ ምርት ገበያ በሐምሌ ወር 51 ሺህ ቶን ምርት በ2 ነጥብ 92 ቢሊየን ብር ማገበያየቱን አስታወቀ።

የኢትዮጵያ ምርት ገበያ ለፋና ብሮድካስቲንግ ኮርፖሬት በላከው መግለጫ እንዳስታወቀው፥ በሐምሌ ወር 23 የግብይት ቀናት 51 ሺህ ቶን ምርት በ2 ነጥብ 92 ቢሊየን ብር አገበያይቷል።

ከምርቶቹ መካከል 32 ሺህ 291 ቶን ቡና፣ 11 ሺህ 273 ቶን አኩሪ አተር፣ 5 ሺህ 817 ቶን ሰሊጥ፣ 1 ሺህ 765 ቶን ነጭ ቦሎቄና 28 ቶን አረንጓዴ ማሾ ይገኙበታል።

በተጠቀሰው ወር ቡና በግብይት 63 እንዲሁም 81 በመቶ በዋጋ በመሸፈን ቀዳሚነቱን ይዟል።

በወሩ 20 ሺህ 326 ቶን ለውጭ ገበያ የቀረበ ያልታጠበ ቡና በ1 ነጥብ 52 ቢሊየን ብር ተገበያይቷል።

በዚህ ወር ግብይት 11 ሺህ 273 ቶን አኩሪ አተር በ170 ነጥብ 2 ሚሊየን ብር የተገበያየ ሲሆን፥ 5 ሺህ 817 ቶን ሰሊጥ በ320 ነጥብ 17 ሚሊየን ብር ተገበያይቷል።

የሰሊጥ ግብይት ካለፈው አመት ተመሳሳይ ወር ጋር ሲነፃፀርም በዋጋ 69 በመቶ ጭማሪ ሲያሳይ በመጠን 57 በመቶ ጨምሯል፡።

አማካይ የሰሊጥ የግብይት ዋጋም ካለፈው ዓመት ተመሳሳይ ወቅት ጋር ሲነፃፀር በ8 ነጥብ 85 ጭማሪ አሳይቷል።

በዚህ ጊዜ ውስጥ 1 ሺህ 765 ቶን ነጭ ቦሎቄ በ35 ነጥብ 45 ሚሊየን ብር ሲሸጥ፥ ካለፈው ወር ጋር ሲነፃፀር መጠኑ የ2 ነጥብ 14 ጭማሪ ሲያሳይ ዋጋው ግን በ0 ነጥብ 27 በመቶ ቀንሷል።

በተጨማሪም በወሩ 28 ቶን አረንጓዴ ማሾ በ791 ነጥብ 6 ሺህ ብር ተገበያይቷል።

You might also like
Comments
Loading...