Fana: At a Speed of Life!

የኢትየጵያ ንግድ ባንክ 8ኛው ዙር የይቆጥቡ ይሸለሙ መርሀ ግብር እጣ ወጣ

አዲስ አበባ፣ ሃምሌ 25፣ 2011 (ኤፍ.ቢ.ሲ) የኢትየጵያ ንግድ ባንክ 8ኛው ዙር የይቆጥቡ ይሸለሙ መርሀ ግብር እና ዛሬ በብሔራዊ ሎቶሪ አዳራሽ ወጥቷል።

በእጣው ከ16 ሚሊዮን በላይ የእጣ ቁጥሮች የተካተቱ ሲሆን፥ የእጣ አወጣጥ ስርዓቱም የባንኩ ከፍተኛ አመረታሮችና ሰራተኞች በተገኙበት ነው የተከናወነው።

ከታህሳስ 23 እስከ ሰኔ 23 2011 ዓ.ም የነበረው መርሀ ግብር ከዚህ ቀደም በተለየ በሁለት ምድብ የተዘጋጀ መሆኑ ተገልጿል።

በዚህም መሰረት ዛሬ በወጣው ዕጣ 5 የመኖሪያ አፓርትመንት፣ 15 ባለ 3 እግር ተሽከርካሪዎች፣ 15 ሞተር ብስክሌቶች፣ 15 በኤሌክትሪክ እና በጋዝ የሚሰሩ ምድጃዎች እና 750 ስማርት የሞባይል ቀፎዎች በድምሩ 800 እጣዎች ወጥተዋል።

ሶስቱ የመኖሪያ ቤት ዕጣዎች ለወላይታ ሶዶ ዲስትሪክት የወጡ ሲሆን፥ ሁለቱ ደግሞ ድሬዳዋና ጎንደር ዲስትሪክት ነው የወጡት፡፡

የኢትየጵያ ንግድ ባንክ የደንበኛቹን የቁጠባ ባህል ለማሳደግ መሰል የሽልማት ስርዓቶችን በተደጋጋሚ ማካሄዱ የሚታወቅ ነው።

የባንኩ አጠቃላይ ተቀማጭ ገንዘብ ከግማሽ ትሪሊዮን ያለፈ ሲሆን፤ ደንበኞቹን ቁጥርም 22 ሚሊዮን ማድረሱን መረጃዎች ያመለክታሉ።

በሃይማኖት እያሱ

You might also like
Comments
Loading...