Fana: At a Speed of Life!

የአዲስ አበባ የእግር ኳስ ክለቦች በአማራጭ የሊግ ፎርማት ምስረታ ላይ የጋራ ስምምነት ሰነድ ተፈራረሙ

አዲስ አበባ፣ ሃምሌ 30፣ 2011 (ኤፍ.ቢ.ሲ) የአዲስ አበባ እግር ኳስ ክለቦች በአማራጭ የሊግ ፎርማትና ተያያዥ ጉዳዮች ላይ የጋራ ስምምነት ሰነድ ተፈራረሙ።

በአዲስ አበባ እግር ኳስ ፌዴሬሽን አመቻችነት ተከታታይ ውይይትና ምክክር ሲያደርጉ የቆዩት ክልቦቹ የጋራ መግባባት ላይ በመድረስ ትናንት በሸራተን አዲስ በተከናወነ ስነ ስርዓት የስምምነት ፊርማቸውን አኑረዋል።

የአዲስ አበባ እግር ኳስ ፌዴሬሽን በኢትዮጵያ እግር ኳስ ያሉ ችግሮችን ለመፍታት ጥናት ሲያደርግ መቆየቱን ለፋና ቴሌቪዥን የገለጹት የፌዴሬሽኑ ፕሬዚዳንት ኢንጂነር ሃይለየሱስ ፍስሃ፥ ጥናቱም በእግር ኳስ አስተዳደር ፋይናንስ አጠቃቀም ፀጥታና ስፖርታዊ ጨዋነት እንዲሁም እግር ኳስ ልማት ላይ ያተኩራል።

የጥናቱ ግኝትም ክለቦችን ለከፍተኛ ወጪ የሚዳርግ የፊፋን የእግር ኳስ መርህ የጣሰ ነው የሚል ድምዳሜ ላይ ደርሷል።

ትናንት ጥናቱ ከቀረበ በኋላ በኢትዮጵያ ፕሪሚየር ሊግ በከፍተኛ ሊግና አንደኛ ሊግ ተሳታፊ የሆኑ የአዲስ አበባ ክለቦች በአዲስ አበባ እግር ኳስ ፌዴሬሽን ስር የራሳቸውን ውድድር ማድረግ እንደሚፈልጉም የፌዴሬሽኑ ፕሬዚዳንት ገልጸዋል።

የአዲስ አበባ ስፖርት ኮሚሽን ድጋፍ እንዳላቸው የገለጹት ፕሬዚዳንቱ፥ በቀጣይ ጉዳዩ ከሚመለከታቸው የመንግስት ሃላፊዎች ጋር ለመወያየት ቀጠሮ እንደያዙ ገልጸዋል።

You might also like
Comments
Loading...