Fana: At a Speed of Life!

የትግራይ ህብረተስብ ማህበር በኢትዮጵያ በብዛሀነት ላይ የተመስረተ ሀገራዊ አንድነት እንዲጎለብት እሰራለሁ አለ

አዲስ አበባ፣ ነሃሴ 5፣ 2011 (ኤፍ.ቢ.ሲ) የትግራይ ሕብረተስብ ማህበር በኢትዮጵያ ውስጥ በብዛሀነት ላይ የተመስረተ ጠንካራና ሀገራዊ አንድነት እንዲጎለብት እንደሚስራ አስታወቀ።
 
ማህበሩ በዛሬው እለት መመስረቱን ተከትሎ አባሎቹን ስብስቦ ዓላማውን አስተዋውቋል።
 
በዚህም የትግራይን ሕብረተስብ ታሪክ፣ ቋንቋ እና እሴትን ለማበልጸግ እና ለማጎልበት እንደሚሰራም ነው ማህበሩ ያስታወቀው።
 
እንዲሁም ከሌሎች የኢትዮጵያ ህዝቦች ጋር ዘላቂነት ተከባብሮ እና ተቻችሎ በፍቅር እና በእኩልነት የሚኖርበትና የሚስራበትን ሁኔታ አጠናክሮ እንደሚስራም ማህበሩ ገልጿል።
 
ማህበሩ ከማንኛውም የፖለቲካ ሀስብ የጸዳ እንደሆነም ነው የተገለፀው።
 
ማህበሩ በሲቪል ማህበራት ኤጅንሲ አዋጅ ቁጥር 1113/አንቀጽ 57/1 በፌደራል ደርጃ የተመስረተ ሀገር በቀል ድርጅት ነው።
 
ከማንኛውም ፖለቲካዊና ሀይማኖታዊ ተጽእኖ ነጻ የሆነ ማህበር እንደሆነ የማህበሩ ሊቀመንበር ዶክተር ኪሮስ ሥልጣን ተናግረዋል።
 
በሲሳይ ጌትነት
You might also like
Comments
Loading...