Fana: At a Speed of Life!

የተባበሩት መንግስታት ድርጅት ለቬኒዝዌላውያን ስደተኞች ተጨማሪ ድጋፍ ጠየቀ

አዲስ አበባ ፣ ነሃሴ 13 ፣ 2011 (ኤፍ ቢ ሲ) የተባበሩት መንግስታት ድርጅት ለቬኒዝዌላውያን ስደተኞች ተጨማሪ ድጋፍ ጠየቀ።

የመንግስታቱ ድርጅትና ለጋሽ ተቋማት ለቬኒዝዌላውያን በአመቱ መጀመሪያ 770 ሚሊየን ዶላር እንደሚያስፈልግ ገልጸው ነበበር።

ይሁን እንጅ እስካሁን ከ180 ሚሊየን ፓውንድ ያነሰ ገንዘብ ብቻ መቀበሉን ድርጅቱ አስታውቋል።

የመንግስታቱ ድርጅት የስደተኞች ከፍተኛ ኮሚሽነር ፊሊፖ ግራንዲ፥ ለስደተኞች ያስፈልጋል ከተባለው ገንዘብ እጅግ በጣም ጥቂቱን ብቻ ማግኘታቸውን ተናግረዋል።

አሁን ላይም ካለው የስደተኞቹ ፍልሰትና ሰብዓዊ ቀውስ አንጻር ተጨማሪ ገንዘብ እንደሚያስፈልገው ገልጿል።

እንደ ድርጅቱ ገለጻ ስደተኞቹ ባረፉባቸው ሃገራት ነዋሪዎች ዘንድ ጥሩ ተቀባይነት አላገኙም፤ በዚህ ሳቢያም በአንዳንድ ከተሞች የስደተኞችን መምጣት የሚቃወሙ ሰልፎች ተደርገዋል።

አሁን ላይ ግዙፍ ዓለም አቀፍ ተቋማት ለጥያቄው ምላሽ ለመስጠት እየሰሩ መሆኑን ያነሱት ኮሚሽነሩ፥ የእንቅስቃሴ መዘግየት መኖሩን አንስተዋል።

ዓለም አቀፉ የፍልሰተኞች ድርጅት 4 ነጥብ 3 ሚሊየን ቬኒዝዌላውያን በሃገራቸው ባለው ፖለቲካዊና ኢኮኖሚያዊ ቀውስ ሳቢያ ተሰደዋል ብሏል።

ይህ አሃዝ ግን በቀጣዩ የፈረንጆች አመት እስከ 8 ነጥብ 2 ሚሊየን ሊደርስ ይችላል እየተባለ ነው።

የተባበሩት መንግስታት ድርጅትም እየተደረገ ያለው ድጋፍ አሁን ካለው የስደተኞች ቁጥርም ሆነ በቀጣይ ይመዘገባል ከተባለው የስደተኞች ቁጥር ጋር ተመጣጣኝ አይደለም ነው የሚለው።

ለዚህ ደግሞ ለጋሽ ሃገራትና ድርጅቶች ችግሩን ለመቅረፍ በሚደረገው ጥረት እያደረጉት ያለውን ተሳትፎ እንዲያጠናክሩ ጠይቋል።

 

ምንጭ፦ አልጀዚራ

You might also like
Comments
Loading...