Fana: At a Speed of Life!

የተለያዩ ክልሎች ርዕሳነ መስተዳድራንና ምክትል ርዕሰ መስተዳድሮች ለ1 ሺህ 440ኛው የአረፋ በዓል የመልካም ምኞት መልዕክት አስተላልፈዋል

አዲስ አበባ፣ ነሃሴ 5፣ 2011 (ኤፍ.ቢ.ሲ) የተለያዩ ክልሎች ርዕሳነ መስተዳድራን እና ምክትል ርዕሰ መስተዳድሮች ለ1 ሺህ 440ኛው የአረፋ በዓል የመልካም ምኞት መልዕክት አስተላልፈዋል፡፡

የአሮሚያ ክልል ምክትል ርዕሰ መስተዳድር አቶ ሽመልስ አብዲሳ የኢድ አልአድሃ በአል የደስታና የብልጽግ እንዲሆን ለመላው የእስልምና እምነት ተከታዮች መልካም ምኞታቸውን አስተላልፈዋል፡፡

ኢድ አል አደሃ በእስልምና እምነት ተከታዮች ዘንድ በአለም ደረጃ በልዩ ሁኔታ ከሚከበሩ በአላት አንዱ መሆኑንም ጠቅሰው፤ በአሉ የነቢዩ ኢቢራሂምን መልካም ስራ ለመዘከር የሚከበር እንደሆነም ነው የተናገሩት፡፡

በአሉ በየአመቱ በተከታዮቹ ዘንድ የሸሪአ ህግ በሚፈቅደው መሰረት ሰላምን በመጠበቅና የተቸገሩትን በመርዳት የሚከበር ነው ብለዋል፡፡

እምነቱ ሰላምን፣ መተጋገዝን፣ መልካም ተግባራት የሚከወንበት፣ አብሮነት የበለጠ እንዲጠናከር የሚያግዝ በመሆኑ፤ በእለቱመ ሀገራዊ ሰላምን በመጠበቅ፣ ያለው ለሌለው በማካፈል፣ የተቸገሩትን በመርዳት በደስታ የሚከበር እንደሆነም ነው የጠቀሱት፡፡

የአማራ ክልል ርዕሰ መስተዳድር አቶ ተመስገን ጥሩነህ የ1 ሺህ 440ኛውን የአረፋ በዓል በማስመለክት ባሰተላለፉት መልዕክት ኢትዮጵያ በእምነት መቻቻልና አብሮነት የምትታወቅ የዓለም ተምሳሌት ሀገር ከመሆኗም ባሻገር ከእስልምና እምነት አጀማመር ታሪክ አንፃርም ያላት ሚና ከፍ ያለ እንደሆነና በአፍሪካ ቀዳሚነትን ወስዳ እምነቱንና አማኞችን በፍቅር ተቀብላ ያስተናገደች አገር ናት ብለዋል።

ይህን ታሪክ ቅዱስ ቁርዓንም ጭምር የመሰከረው ሃቅ ነው ሲሉ የገለፁት ርዕሰ መስተዳድሩ ኢትዮጵያ ለሙስሊሞች የፍቅርና የሰላም ሀገር እንደምትሆንም ቀድሞ በነቢዩ መሐመድ የተነገረና የጸና በመሆኑ እነሆ ከሺህ ዓመታት በላይ ሕዝበ ሙስሊሙ ከክርስትና እምነት ተከታዮች ጋር ከልብ በሆነ ፍቅርና በመተባበር ስሜት አብሮ ኖሯል፤ ለወደፊቱም ይኖራል ሲሉ ገልፀዋል፡፡

የአረፋ በዓል ድሆች የሚጎበኙበት፣ ከወዳጅ ዘመድና ከጎረቤት ጋር ተካፍለው የሚበሉበት የመልካም እሴትና የበጎነት፣ የልግስናና የመረዳዳት ተግባራዊ ትምህርት የሚሰጥበት በዓል ነው።

ይህን በጎ አድራጎት የሁልጊዜም የኑሯችን መገለጫ ማድረግና መረዳዳታችንን ትርጉም ባለው መልኩ መግለጽ ይገባናል ብለዋል ርዕሰ መስተዳድሩ።

ርዕሰ መስተዳድሩ በመልዕክታቸው ሰላም ላጡት ሰላምን፣ አንድነት ለራቃቸው አንድነትን፣ ፍቅርን ለተራቡ ፍቅርን ያለመሰሰትና ያለመቆጠብ እንለግሳቸው በማላት ጠይቀዋል።

የትግራይ ክልል ምክትል ርዕሰ መስተዳድር ዶክተር ደብረፂዮን ገብረሚካኤልም የአረፋ በዓል በክልሉና በመላ ሀገሪቱ በሚገኙ የሙስሊም ማህበረሰብ አባላት በመረዳዳት፣ በመተጋገዝ እና በአንድነት የሚከበር ነው ብለዋል፡፡

የደቡብ ብሄር ብሄረሰቦች፣ የሶማሌ፣ ቤኒሻንጉል ጉሙዝ፣ አፋር፣ ጋምቤላ እና የሀረሪ ርዕሳነ መስተዳድራን እና የሁለቱ ከተማ አስተዳደሮች ለመላ የእስልምና እምነት ተከታዮች 1 ሺህ 440ኛውን የአረፋ በዓል የደስታና የብልፅግና እንዲሆን መልዕክት አስተላልፈዋል፡፡

You might also like
Comments
Loading...