Fana: At a Speed of Life!

የቀድሞ ጠቅላይ ሚኒስትር መለስ ዜናዊ 7ኛ የሙት ዓመት መታሰቢያ የችግኝ ተከላ ተካሄደ

አዲስ አበባ፣ ነሃሴ 14፣ 2011 (ኤፍ.ቢ.ሲ) የኢፌዴሪ የቀድሞው ጠቅላይ ሚኒስትር መለስ ዜናዊ 7ኛ ዓመት መታሰቢያ ቀንን ምክንያት በማድረግ የችግኝ ተከላ መርሃ ግብር ተካሄደ።

መታሰቢያ የችግኝ ተከላ መርሃ ግብሩን የመለስ ፋውንዴሽን ነው በዛሬው እለት ያካሄደው።

የችግኝ ተከላ መርሃ ግብሩ ላይ የመለስ ፋውንዴሽን ቦርድ ፕሬዚዳንት ወይዘሮ አዜብ መስፍንን ጨምሮ በርካታ ሰዎች የተገኙ ሲሆን፥ የመታሰቢያ ስነ ስርዓቱ ተሳታፊዎችም 450 ችግኞችን ተክለዋል።

በመታሰቢያ መርሃ ግብሩ ላይ የቀድሞው የኢፌዴሪ ጠቅላይ ሚንስትር የአቶ መለስ ዜናዊን አጭር የህይወት ታሪክ የቀረበ ሲሆን፥ በህይወት በነበሩበት ጊዜ ዓለም በአረንጓዴ ኢኮኖሚ መመራት እንዳለባት ያደረጉት ንግግር በተንቀሳቃሽ ምስል ቀርቧል።

የመለስ ፋውንዴሽን ቦርድ ፕሬዚዳንት ወይዘሮ አዜብ መስፍን ባደረጉት ንግግር፥ አቶ መለስ ዜናዊ አረንጓዴ ኢኮኖሚ ላይ የራሳቸውን አሻራ አሳርፈው ነው ያለፉት ብለዋል፡።

ቀኑን ምክንያት በማድረግም በመጠናቀቅ ላይ የሚገኘው የመለስ ዜናዊ መታሰቢያ ፓርክ ተጎብኝቷል፡፡

የኢፌዴሪ የቀድሞው ጠቅላይ ሚኒስትር መለስ ዜናዊ ነሃሴ 14 2004 ነበር ከዚህ ዓለም በሞት የተለዩት።

በሃይማኖት ኢያሱ

You might also like
Comments
Loading...