Fana: At a Speed of Life!

የሶማሌ ክልል ምክር ቤት ባካሄደው አስቸኳይ ጉባዔ የቢሮ ኃላፊዎችን ሹመት አፀደቀ

አዲስ አበባ፣ ነሃሴ 14፣ 2011 (ኤፍ.ቢ.ሲ) የሶማሌ ክልል ምክር ቤት ዛሬ ባካሄደው አራተኛው አስቸኳይ ጉባዔ የቢሮ ኃላፊዎችን ሹመትና ረቂቅ ዓዋጅ አፀደቀ።

ምክር ቤቱ በክልሉ ምክትል ርዕሰ መስተዳድር አቶ  ሙስጠፌ መሐመድ የቀረቡለትን ኃላፊዎችን ሹመት ያፀደቀው አስፈፃሚ መሥሪያ ቤቶች እንደገና ለማደራጀት ሥልጣንና ኃላፊነት ለመወሰን የቀረበውን ረቂቅ ዓዋጅ ካፀደቀ በኋላ ነው።

ተሿሚዎቹ  ባላቸው የትምህርት ዝግጅት፣ የሥራ ልምድና የፖለቲካ ብቃት መሠረት በማድረግ መመረጣቸው ተገልጿል።

በዚሁ መሰረት በምክር ቤቱ አብላጫ ድምፅ አግኝተው የተሾሙት፦

አቶ አብዲቃድር ሐሺ – የሠራተኛና ማህበራዊ ጉዳይ ቢሮ ኃላፊ

አቶ ሱቤር ሁሴን – የክልሉ ገቢዎች ቢሮ ኃላፊ

አቶ ጠይብ አህመድኑር – የእንስሳት ልማት ቢሮ ኃላፊ

አቶ አብዲሰላም ዩሱፍ – የኢንቨስትመንትና ዲያስፖራ ጉዳይ ቢሮ ኃላፊ

አቶ ሩብሌ አዋሌ– የመንገድና ትራንስፖርት ቢሮ ኃላፊ ሲሆኑ፣

ባሉበት እንዲቀጥሉ የተደረጉት ደግሞ

ዶክተር ዩሱፍ መሐመድ– የጤና ቢሮ ኃላፊ

ዶክተር አብዲቃድር ኢማን – የእርሻና ተፈጥሮ ሀብት ልማት ቢሮ

ወይዘሮ ዘይነብ ሐጂ አደን– የሴቶችና ህፃናት ቢሮ ኃላፊ

አቶ ሙበሽር ዱበድ– የፋይናንስና ኢኮኖሚ ልማት ቢሮ ኃላፊ

አቶ ኤልያስ አቢብ– የባህልና ቱሪዝም ቢሮ ኃላፊ

አቶ ሐሰን መሐመድ– የክልሉ ርዕሰ መስተዳድር ጽህፈት ቤት ኃላፊ ናቸው።

በተጨማሪም ስምንት የቢሮ ኃላፊዎች ሽግሽግ ተደርጓል።

ምክር ቤቱ በሰብዓዊ መብት ጥሰት የተጠረጠሩ ሁለት የምክር ቤቱ አባላትን  ያለመከሰስ መብት እንዲነሳ ወስኗል።

እንዲሁም የሸሪዓ ፍርድ ቤቶችን ለማቋቋም የቀረበው ረቂቅ ዓዋጅ ለሕግ ጉዳዮች ቋሚ ኮሚቴ መርቷል።

ምንጭ፦ ኢዜአ

You might also like
Comments
Loading...