Fana: At a Speed of Life!

የሳንባ ነቀርሳን ማከም የሚያስችለው አዲስ መድሃኒት እውቅና አገኘ

አዲስ አበባ፣ ነሃሴ 10፣ 2011 (ኤፍ ቢ ሲ) የአሜሪካ ምግብና መድሃኒት ቁጥጥር ባለስልጣን (ኤፍ ዲ ኤ) የሳንባ ነቀርሳ በሽታን ማከም ለሚያስችለው አዲስ መድሃኒት ዕውቅና ሰጥቷል።

ከተላላፊ በሽታዎች ውስጥ አንዱ ለሆነው እና በገዳይነቱ ቀዳሚውን ቦታ ለሚይዘው የሳንባ ነቀርሳ በሽታ አዲስ መድሃኒት መገኘቱ ተገልጿል።

መድሃኒቱ ፕሬቶማኒድ ተብሎ የሚጠራ ሲሆን፥ በእንክብል መልክ የተዘጋጀ መሆኑም ተጠቁሟል።

ፕሬቶማኒድ ቢዳኩሊኔ እና ሊኔዞሊድ ከተሰኙ ንጥረ ነገሮች ጋር በመቀላቀል የሳንባ ነቀርሳ በሽታን ለመፈወስ የሚያስችል መሆኑን ኤፍ ዲ ኤ አስታውቋል።

እንደ ኤጀንሲው ገለፃ አዲሱ መድሃኒት በበሽታው በተጠቁ ሰዎች ላይ ተሞክሮ አመርቂ ውጤት አስመዝግቧል።

በዚህም መሰረት ድርጅቱ ባሳለፍነው ረቡዕ ዕለት አዲሱ መድሃኒት ጥቅም ላይ ይውል ዘንድ ዕውቅና መስጠቱን አስታውቋል።

ይህም ባለፉት 40 ዓመታት ውስጥ በኤፍ ዲ ኤ ዕውቅና ካገኙት የሳንባ ነቀርሳ በሽታ መድሃኒቶች ውስጥ ሶስተኛ ያደርገዋል።

እንደ አውሮፓውያኑ አቆጣጠር 2017 ላይ በዓለም አቀፍ ደረጃ 10 ሚሊየን የሚሆኑ ሰዎች በበሽታው የተጠቁ ሲሆን፥ ከእነዚህ  ውስጥም 1 ነጥብ 6 ሚሊየን የሚሆኑት ለህልፈት መዳረጋቸውን ከዓለም ጤና ድርጅት የተገኘው መረጃ ያመላክታል።

 

ምንጭ፦ ሺንዋ

 

You might also like
Comments
Loading...