Fana: At a Speed of Life!

የሚኒስትሮች ምክር ቤት ዛሬ ባካሄደው መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳለፈ

አዲስ አበባ፣ ነሃሴ 18፣ 2011 (ኤፍ.ቢ.ሲ) የሚኒስትሮች ምክር ቤት በዛሬው ዕለት ባካሄደው 73ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ ማሳለፉን አስታውቋል።

ምክር ቤቱ በስብሰባው በማዕድንና ነዳጅ ሚኒስቴር ተዘጋጅተው በቀረቡ ከፍተኛ ደረጃ የድንጋይ ከሰል ማዕድን እና አነስተኛ ደረጃ የክሮማይት ማዕድን ማምረት ፍቃድ ስመምነቶች ላይ ተወያይቷል።

በውይይቱም ስምምነቶቹ በህጉ መሰረት መሟላት የሚገባቸው ጉዳዮች ከተሟሉ በኋላ እንደተዘጋጀ የተገለፀ ሲሆን፥ ምክር ቤቱም በቀረቡት ከፍተኛ አነስተኛ ደረጃ የማዕድን ማምረት ፈቃድ ስምምነቶች ላይ ከተወያየ በኋላ በስራ ላይ አንዲውሉ ወስኗል።

በመቀጠልም ምክር ቤቱ በሰው መነገድና ሰውን በህገ ወጥ መንገድ ድንበር የማሻገር ወንጀልን ለመከላከልና ለመቆጣጠር በተዘጋጀ ረቂቅ አዋጅ ላይም ተወያይቷል።

በሰው መነገድና ሰውን በህገ ወጥ መንገድ ድንበር የማሻገር እና ህገ ወጥ የውጭ ሀገር የስራ ስምሪት ወንጀሎች በዜጎች ላይ ከፍተኛ ጉዳት እያስከተሉ የሚገኙ ድርጊቶች መሆናቸውን በመግለጽ ጠቅላይ አቃቤ ህግ እነዚህን ወንጀሎች ለመከላከል ረቂቅ አዋጁን በማዘጋጀት ነው ለሚኒስትሮች ምክር ቤት ያቀረበው።

ምክር ቤቱም በረቂቅ አዋጁ ላይ በዝርዝር ከተወያየ በኋላ ማሻሻያዎችን በማከል ይጸድቅ ዘንድ ለህዝብን ተወካዮች ምክር ቤት እንዲተላለፍ ወስኗል።

ምክር ቤቱ በማሪታይም ጉዳይ ባለስልጣን የተለያዩ አገልግሎቶችን ለመስጠት የሚያወጣውን ወጪ ተመጣጣኝ በሆነ መልኩ የአገልግሎቱ ቀጥተኛ ተጠቃሚ የሆነው ተገልጋይ እንዲሸፈን ለማድረግ የሚያስችል የህግ መሰረት አስፈላጊ መሆኑን በመግለጽ የገንዘብ ሚኒስቴር አየገልግሎት ክፍያውን ለመሰወን እንዲያስችል አዘጋጅቶ ያቀረበውን ረቂቅ ደንብም ተመልክቷል።

ምክር ቤቱም በገንዘብ ሚኒስቴር በቀረው የማሪታይም አገልግሎት ክፍያን አሸፋፈንን በተመለከተ የቀረበው ረቂቅ ደንብ በስራ ላይ እንዲውል ውሳኔ ማሳለፉን የጠቅላይ ሚኒስትር ጽህፈት ቤት አስታውቋል።

You might also like
Comments
Loading...