Fana: At a Speed of Life!

የመርካቶ ነጋዴዎችና የአካባቢው የህብረተሰብ ክፍሎች ከ1 ነጥብ 8 ሚሊየን ብር በላይ የሚገመት የትምህርት ቁሳቁሶች ድጋፍ አደረጉ

አዲስ አበባ፣ ነሃሴ 7፣ 2011 (ኤፍ.ቢ.ሲ) የመርካቶ ነጋዴዎች ጨምሮ በአዲስ ከተማ ክፍለከተማ የሚገኙ የተለያዩ የህብረተሰብ ክፍሎች ያሰባሰቡት ከ1 ነጥብ 8 ሚሊየን ብር በላይ የሚገመት የትምህርት ቁሳቁሶች ድጋፍን ለከተማ አስተዳዳሩ አስረክበዋል።

ስጦታውንም የአዲስ አበባ ከተማ አስተዳደር ምክትል ከንቲባ ኢንጅነር ታከለ ኡማ በክፍለ ከተማው በሚገኘው የአዲስ ከተማ ትምህርት ቤት በመገኘት ተረክበዋል።

ከርክክቡ በኋላም ኢንጂነር ታከለ ኡማ ከመርካቶ ነጋዴዎችና በክፍለ የሚገኙ የተለያዩ የህብረተሰብ ክፍሎች ተወካዮች ጋር በመሆን የአዲስ ከተማ ትምህርት ቤት የክረምት እድሳት የደረሰበትን ደረጃንም ጎብኝተዋል።

በጉብኝቱ ወቅትም የመርካቶ አካባቢ ነጋዴዎችም የትምህርት ቤቱን ቅጥር ግቢ አስፋልት ለማድረግ ቃል መግባታቸውን የከንቲባ ጽህፈት ቤት አስታውቋል።

በዚሁ ወቅት ምክትል ከንቲባ ኢንጂነር ታከለ ኡማ ባደረጉት ንግግር፥ በአዲስ አመት በመንግስት ትምህርት ቤቶች የሚማሩ ከ600 ሺህ በላይ ተማሪዎችን ለመደገፍ የታያዘው ግዙፍ ህልም በከተማዋ ነዋሪዎች ከፍተኛ ተሳትፎ ሊሳካ ችሏል ብለዋል።

“የከተማዋ ነዋሪዎች በበጎ ፍቃድ መርሀግብሩ እያሳየ ያለው ከፍተኛ ተሳትፎ እስካሁን ካገለገልነው በላይ ዝቅ ብለን እንድናገለግል የሚያደርግ ነው” ሲሉም ተናግረዋል።

ኢንጅነር ታከለ አክለውም፥ በአፍሪካ ግዙፉ የገበያ ማእከል የሆነውን መርካቶን ታሪካዊ አሻራውን ሳይለቅ በዘመናዊ መልኩ እንዲገነባ ለማድረግ እንቅስቃሴዎች መጀመራቸውን ተናግረዋል።

You might also like
Comments
Loading...