Fana: At a Speed of Life!

የሃውቲ አማጽያን በሳዑዲ ዓረቢያ አውሮፕላን ማረፊያ ላይ ጥቃት ፈጸሙ

አዲስ አበባ፣ ነሃሴ 19፣ 2011 (ኤፍ ቢ ሲ) የየመን ሃውቲ አማጽያን በትናንትናው ዕለት በሳዑዲ ዓረቢያ አውሮፕላን ማረፊያ ላይ ጥቃት ፈፅመዋል።

በኢራን  የሚደገፉት የየመን ሃውቲ አማጽያን በሰው ዓልባ አውሮፕላን በመታገዝ አብሃ በተሰኘው የሳዑዲ ዓረቢ አውሮፓላን ማረፊያ ላይ ጥቃት መሰንዘራቸው ተነግሯል።

የአማጽያን  ቡድኑ ጥቃቱን የፈጸሙትም የአሜሪካ እና ሳዑዲ ዓረቢያ ጥምር ጦር በቀጠናው ለሚያደርስባቸው ጥቃት አጸፋዊ ምላሽ መሆኑን አስታውቀዋል።

በተፈጸመው ጥቃትም የአውሮፕላን ማረፊያ መቆጣጠሪያ ማዕከሉ ላይ ጉዳት ማድረሳቸው ነው የተነገረው።

ከዚህ ባለፈም በአውሮፕላን ማረፊያው ውስጥ በሚገኙ ሁለት የመንገደኞች ማረፊያ ክፍሎች ላይ ጥቃት መፈፀማቸው በዘገባው ተመላክቷል።

ይሁን እንጂ የሳዑዲ ዓረቢያ መንግስት ጥቃቱን  አስመልክቶ እስካሁን ያለው ነገር የለም።

የመን የሃውቲ አማጽያን የአብድራቡህን መንግስት ከስልጣን ለማውረድ እንቅስቃሴ ከጀመሩበት ከፈረንጆቹ መጋቢት 2015 ጀምሮ የጦር አውድማ ሀና ቆይታለች።

ይህን ተከትሎም በሳዑዲ የሚመሩ ሃገራት ጥምር ጦር በመመስረት ለማዕከላዊ መንግስቱ ድጋፍ ያደርጋሉ።

በሌላ በኩል  ኢራን የሃውቲ አማጽያንን በመደገፍ የአብድራቡህን መንግስት ለመጣል የሚደረገውን ጥረት ታግዛለች።

ሃገራት በውክልና በጀመሩት ጦርነት ሳቢያ እስካሁን ከ7 ሺህ በላይ የመናውያን ሲሞቱ በርካቶች ደግሞ ለስደት መዳረጋቸውን መረጃዎች ያመላክታሉ።

ምንጭ ፦ሬውተርስ

You might also like
Comments
Loading...