Fana: At a Speed of Life!

ካናዳ  ኢትዮጵያ የጀመረችውን የሴቶችን ጫና የሚያቃልል የቴክኖሎጂ ዝርጋታ እንደምትደግፍ ገለጸች

አዲስ አበባ፣ ነሃሴ13፣ 2011 (ኤፍ ቢ ሲ) ካናዳ የሴቶችን ጫና በሚያቃልሉ የቴክኖሎጂ ዝርጋታዎች ላይ ኢትዮጵያ የጀመረችውን ስራ እንደምትደግፍ ገልጻለች።
በኢትዮጵያ የካናዳ አምባሳደር አንቶኒ ቼቭሬ ከኢኖቬሽንና ቴክኖሎጂ ሚኒስትር  ዶክተር ኢንጂነር ጌታሁን መኩሪያ ጋር በጉዳዩ ዙሪያ መክረዋል።

የኢኖቬሽንና ቴክኖሎጂ ሚኒስቴር በተለያዩ ክልሎች ባደረገው ጥናት የሴቶችን ጫና የሚያቃልሉ የቴክኖሎጂ ልየታ ማድረጉን አስታውቋል።

አምባሳደሩ እነዚህን ቴክኖሎጂዎች ለመዘርጋት የሚደረገውን ጥረት ካናዳ ትደግፋለች  ማለታቸውን ከኢኖቬሽንና ቴክኖሎጂ ሚኒስቴር ያገኘነው መረጃ ያመላክታል።

በአሁኑ ወቅት በድረ-ገፅ ማበልፀግና በስራ ፈጠራ እየሰለጠኑ ያሉ ሴቶችንም ፕሮጀክቶቻቸው ታይቶ ከተለያዩ ድርጅቶች ጋር በማገናኘት ወደ ስራ እንዲገቡ ድጋፍ እንደሚደረግ ነው የገለጹት።

ሚኒስቴሩ ‹‹ቴክኖሎጂ ለሴቶች፣ ሴቶች ለቴክኖሎጂ›› በሚል በየክልሉ የሚኖሩ ሴቶችን ጫና በመለየት ችግራቸውን የሚያቃልል የቴክኖሎጂ ዝርጋታ ለማከናወን እቅስቃሴ እያደረገ ይገኛል፡፡

You might also like
Comments
Loading...