Fana: At a Speed of Life!

ከ300 ሺህ በላይ ዜጎችን በውስጧ ይዛ እንደሌለች የሚነገርላት የጀርመኗ ከተማ አለመኖሬን ለሚያረጋግጥ 1 ሚሊየን ዶላር አሸልማለሁ አለች

አዲስ አበባ፣ ነሃሴ 16፣ 2011 (ኤፍ.ቢ.ሲ) የጀርመኗ ከተማ ለረጅም አመታት በዘለቀ የማህበራዊ ሚዲያ የሴራ ትንተና ከተማዋ እንደሌለች ይነገራል፡፡

ቡሊፌልድ የተባለችው የጀርመን ከተማ በአዝናኝ የኢንተርኔት ሴራ ንድፈ ሀሳብ ለረጅም ጊዜ እንደሌለች ሲነገር ቆይቷል፡፡

ከ300 ሺህ በላይ ዜጎች በውስጧ ይዛ እንደሌለች የሚነገርላት የጀርመኗ ከተማ አለመኖሯን ለሚያርጋግጥ ሽልማት አዘጋጅቻለሁ ብላለች፡፡

የቡሊፌልድ ከተማ ባለስልጣናት ከተማዋ አለመኖሯን ለሚያረጋግጥ ግለሰብ 1 ነጥብ 1 ሚሊየን ዶላር ለመሸለም ተዘጋጅቻለሁ ነው ያሉት፡፡

በዚህ ጉዳይ ለሚሳተፉ አካላት ምንም አይነት ገደብ የለም ያሉት የከተማዋ ባለስልጣናት ነገር ግን ጥያቄ ሊነሳበት የማይችል መረጃ ማቅረብ ሽልማቱን ለማግኘት አስፈላጊ ነው ብለዋል፡፡

የቡሊፌልድ ከተማ አለመኖሯን ለመጀመሪያ ጊዜ ያነሳው በ1994 የኮሙፒውተር ባለሙያ የሆው አቺም ሄል ነው::

አቺም ሄል  የዩኒቨርስቲ ተማሪ በነበረበት ወቅት አንድ ተማሪ ከቡሊፌልድ ከተማ  ነው የመጣሁት በማለት ሲተዋወቀው ይህን ማመን አልችልም የሚል ምላሽ መስጠቱ ይነገራል፡፡

ይህንን ተከትሎ ጉዳዩ ጀርመንኛ ተናጋሪ በሆኑ ሰዎች እየታወቀ መሄዱና በኢንተርኔት የመወያያ መድረክም ከተማዋ የለችም የሚለው ሴራ  ጎልቶ መውጣቱ ነው የተነገረው፡፡

ነገር ግን ከተማዋ የለችም የሚለው ሃሳብ መጀመሪያ ላይ በቀልድ መልኩ በማህበራዊ ሚዲያ ላይ  የመወያያ ጉዳይ እንደሆነ ያስታወሰው አቺም ሄል አንድ ቀን ግን ጉዳዩን የሴራ ንድፈ ሀሳብ ለማድረግ እንደወሰነ  ይነገራል፡፡

በቆይታም በርካቶች  ጉዳዩ እውነተኛ ባይሆንም ከተማዋ  እንደሌለች እንደሚያምኑ  መረጃዎች ያመለክታሉ፡፡

የጀርመኗ መርሃይተ መንግስት አንጌላ ሜርክልም በቀልድ በታጀበ ንግግራቸው ቡሊፌልድ ከተማ ስለመኖሯ እንደሚጠራጠሩ በአንድ ወቅት ተናግረዋል፡፡

ምንጭ፡-abcnews

You might also like
Comments
Loading...