Fana: At a Speed of Life!

ከፍተኛ ገቢ ያስገኙ የቡና ላኪዎች ተሸለሙ

አዲስ አበባ፣ ሃምሌ 28፣ 2011 (ኤፍ.ቢ.ሲ) ቡና በመላክ ከፍተኛ ገቢ ያስገኙ ላኪዎች ሸልማት ተበረከተላቸው።

የቡና ምርትን በጥራት አዘጋጅተው ወደ ውጭ በመላክና በተለያዩ የቡና ንግድ ዘርፍ ከፍተኛ ገቢ ያስገኙ 60 ቡና ላኪዎች ናቸው በዛሬው እለት የተሸለሙት።

የኢትዮጵያ ቡናና ሻይ ባለስልጣን ከኢትዮጵያ ቡና ላኪዎች ማህበር ጋር በመሆን ትናንት የተጀመረው የውይይትና የእውቅና መድረክ ዛሬም ቀጥሏል።

በዛሬው ዕለት 60 ለሚሆኑ የቡና ላኪዎች የእውቅናና ሽልማት ስነስርአት ተካሂዷል።

በዚህም የቡና ምርትን በጥራት አዘጋጀተዉ ወደውጪ በመላክ ከፍተኛ ገቢ ያስገኙ አርሶ አደሮችና ሴት ባለ ሃብቶች ዕውቅና ተሰጥቷቸዋል።

የቡና ምርትን እሴት በመጨመር ወደ ውጪ በመላክ ከፍተኛ ገቢ ያስገኙም ተሸላሚ ሆነዋል።

ቀርጫንሺ ትሬዲግ ሃላፊነቱ የተወሰነ የግል ማህበር፣ ትራኮን ትሬዲግ ሃላፊነቱ የተወሰነ የግልማህበር እና አደም ከድር ሐጂ ሀሰን ሃላፊነቱ የተወሰነ የግል ማህበር ከአንደኛ እስከ ሶስተኛ ያለውን ደረጃ በመያዝ ተሸልመዋል።

ከሽልማቱ ስነ ስርአት በኋላ የግብርና ሚኒስትር ኡመር ሐሰንን ጨምሮ በፕሮግራሙ ላይ የተሳተፉ በቢሺፍቱ ችግኝ ተክለዋል።

ምንጭ፦ ኢዜአ

You might also like
Comments
Loading...