Fana: At a Speed of Life!

ከአንድ የ7 ዓመት ታዳጊ መንጋጋ ውስጥ 526 ጥርሶች በህክምና ተወገዱ

አዲስ አበባ፣ ሃምሌ 26፣ 2011 (ኤፍ ቢሲ) በህንድ ዶክተሮች ከአንድ የ7 ዓመት ታዳጊ መንጋጋ 526 ጥርሶችን በህክምና ማስወገዳቸውን ገልፀዋል።

ነዋሪነቱ በህንድ ቼናይ ከተማ የሆነው የ7 ዓመቱ ታዳጊ መንጋጋውን በተደጋጋሚ የህመም ስሜት ይሰማዋል።

ይህን ተከሎም በአቅራቢያው ወደሚገኝ ሆስፒታል በማምራት የጥርስ ህክምና ባለሙያዎችን ያማክራል።

የጥርስ ህክምና ባለሙዎችም የታዳጊውን አፍ በኤክስሬይ ካነሱ በኋላ በታችኛው መንጋጋ ላይ ያልተለመዱና ቁጥራቸው በርከት ያሉ ጥርሶችን ይመለከታሉ።

የኤክስሬይ ውጤቱን ተከትሎም ዶክተሮች ባደረጉት ምርመራ ባልተለመደ ሁኔታ ታዳጊው መንጋጋ ውስጥ የተገኙት ብዛት ያላቸው ጥርሶች ጤናማ አመሆናቸውን አረጋግጠዋል።

በመቀጠልም በእያንዳንዱ ጥርሱ ላይ በቂ ምርመራ በማድረግ 526 የሚሆኑ ጥርሶችን ማስወገድ መቻላቸውን የሳቬታ የጥርስ ህክምና ሆስፒታል ሃላፊ ዶክተር ፕራቲባ ራማኒ ተናግረዋል

በህክምና የተወገዱት ጥርሶች ርዝመትም ከ0 ነጥብ 004 እስከ 0 ነጥብ 6 ኢንች የሚደርስ መሆኑ ተነግሯል።

በታዳጊው ላይ የተከሰተው ሁኔታ ያልተለመደ መሆኑን የገለጹት ዶክተር ፕራቲባ፥ መንስኤው በውል አለመታወቁን ተናግረዋል።

አጋጣሚው ምናልባትም በዘር አልያም በአየር ንብረት ለውጥ ምክንያት ሊከሰት እንደሚችል ጠቁመዋል።

ምንጭ ፦ሲ ኤን ኤን

 

You might also like
Comments
Loading...