Fana: At a Speed of Life!

እስከምትወልድበት ቀን ድረስ ነፍሰጡር መሆኗን ያላወቀችው እናት

አዲስ አበባ፣ ነሃሴ13፣ 2011 (ኤፍ ቢ ሲ) በደቡብ ዶኮታ እስከ ምትወልድበት ቀን ድረስ ነፍሰ-ጡር መሆኗን ያላወቀችው እናት አነጋጋሪ ሆናለች።

እንደሚታወቀው እናቶች ነፍሰጡር በሚሆኑበት ጊዜ የተለያዩ የህመም ስሜቶችን ያስተናግዳሉ።

ከዚህ ባለፈም ነፍሰጡር መሆናቸውን የሚያረጋግጡባቸው የተለያዩ ተፈጥሯዊና ሰው ሰራሽ መንገዶች ይኖራሉ።

ዳንቴ ጊልትዝ የተባለቸው እናት ግን ልትወልድ የህመም ስሜት እስኪሰማት ድረስ ነፍሰጡር  መሆኗን የማታውቅ መሆኑ ተነግሯል።

ነፍሰጡር መሆኗን ያወቀችውም ከዚህ በፊት ያለባት የኩላሊት ጠጠር ህመም ተቀሰቀሰብኝ በሚል ለመታከም ወደ ሆስፒታል በማቅናቷ  ነው ተብሏል።

ሆስፒታል ደርሳ ምርመራ በምታደርግበት ወቅት የህመም ስሜቱ የኩላሊት ጠጠር  ሳይሆን የምጥ ስሜት መሆኑ ተነግሯል።

ጉዳዩን ይበልጥ አስገራሚ ያደረገው ደግሞ ዳንቴ ነፍሰጡር መሆኗን ካለማወቋ በተጨማሪ  ሶስት መንትያ ልጆችን ያረገዘች መሆኑ ነው።

ከዚህ በፊት የሁለት መንትያ ልጆች እናት የሆነቸው ዳንቴ፥ ዶክተሩ ሶስት መንትያ ልጆችን ልትወልድ መሆኑን ሲያበስራት ግራ መጋባቷ በዘገባው ተመላክቷል።

ሁኔታውን በስልክ የሰማው ባለቤቷም  “ከዚህ በፊት ሁለት መንትያ ልጆች አሉኝ”፤ ሶስት መንትያ ልጆች የመውለድ  እቅድ የለኝም” ባማለት ማላገጡ ተሰምቷል።

ይሁን እንጂ ክስተቱ እውነት ሆኖ ዳንቴ ሁለት ሴት እና አንድ ወንድ በድምሩ ሶስት መንትያ ልጆችን በሰላም መገላገሏ ነው የተገለጸው።

ምንጭ ፦ foxnews.com

 

You might also like
Comments
Loading...