Fana: At a Speed of Life!

እስራኤል በሶሪያ በሚገኘ የኢራን የጦር መንደር ላይ ጥቃት ፈፀመች

አዲስ አበባ፣ነሃሴ 19፣2011 (ኤፍ ቢ ሲ)   እስራኤል በሶሪያ የሚገኝን እና በሰው አልባ አውሮፕላን ጥቃት ለመፈፀም ይውላል ባለችው በኢራን የጦር መንደር ላይ ጥቃት ፈፀመች፡፡

ከዚህ በፊት  በሶሪያ በሚገኙ የጦር መንደሮች ላይ በጥቃት ብትፈፅምም ማረጋገጫ የማትሰጠው እስራኤል በዛሬው ዕለት በወሰደችው እርምጃ በሰው አልባ አውሮፕላን ሊደርስ የነበረውን ጥቃት መከላከል መቻሏን አስታውቃለች፡፡

ጠቅላይ ሚኒስትር ቤንጃሚን ኔታንያሆም  የጦር ሀይላቸው ውጤታማ ዘመቻ መፈፀሙን በመግለፅ አድናቆታቸውን አቅርበዋል፡፡

በሶሪያ በፈረንጆቹ 2011 የእርስ በእርስ ጦርነት ከተቀሰቀሰበት ጊዜ ጀምሮ እስራኤል በመቶች የሚቆጠሩ ጥቃቶችን እንደፈፀመች ይነገራል፡፡

ጠቅላይ ሚኒስትር ኔታኒያሆ የእስራኤል ጦር በየትኛውም የአለም ክፍል ለሚፈፀም የኢራን ፀባጫሪ ድርጊት  ምላሽ ይሰጣል ነው ያሉት፡፡

የእስራኤል ጦር ሀይል ቃል አቀባይ በዛሬው ዕለት በተወሰደው እርምጃ በሶሪያ አቅራባ የሚገኘው ቁደስ የተሰኘ የኢራን የጦር  ክፍል ኢላማ ተደርጓል  ብሏል፡፡

ምንጭ፡- ቢቢሲ

You might also like
Comments
Loading...