Fana: At a Speed of Life!

ኢንጅነር ታከለ ኡማ ለአምባ ትምህርት ለተቸገሩ መርጃ ማህበር ቤት ለመስጠት ቃል ገቡ

አዲስ አበባ፣ ነሃሴ 18፣ 2011 (ኤፍ.ቢ.ሲ) የአዲስ አበባ ከተማ አስተዳዳር ምክትል ከንቲባ ኢንጅነር ታከለ ኡማ ለአምባ ትምህርት ለተቸገሩ መርጃ ማህበር ቤት ለመስጠት ቃል ገብተዋል፡፡

ምክትል ከንቲባው ለአምባ ትምህርት ለተቸገሩ መርጃ ማህበር ቤት ለመስጠት ቃል የገቡት ዛሬ ማህበሩን በጎበኙበት ወቅት ነው፡፡

ከ9 አመት በፊት በተለያዩ ህፃናት ማሳደጊያዎች አድገው በተለያዩ ስራዎች ላይ በተሰማሩ ግለስቦች የተቋቋመው ማዕከሉ ወላጅ አልባ እና በዝቅተኛ የኑሮ ደረጃ ላይ የሚገኙ አካል ጉዳተኛ ህፃናትን ተቀብሎ የምገባ አገልግሎትን ያካተተ የቅድመ መደበኛ ትምህርት ሲሰጥ ቆይቷል::

አሁን ላይ ማእከሉ ባጋጠመው የገንዘብ እጥረት የቤት ኪራይ ለመክፈል መቸገሩን እና ሊዘጋ መቃረቡን የተመለከቱት ኢንጅነር ታከለ በአካባቢ የሚገኝ እና ለበርካታ አመታት ተዘግቶ የተቀመጠ ቤት ለማዕከሉ ለማስረከብ ቃል ገብተዋል::

አስተዳደሩ መሰል ትውልድ ላይ የሚሰሩ ማእከላትን ለመደገፍ ዝግጁ መሆኑንም ማረጋገጣቸውንም ከከተማ አስተዳሩ ከንቲባ ጽህፈት ቤት ያገኘነው መረጃ ያመለክታል፡፡

You might also like
Comments
Loading...