Fana: At a Speed of Life!

ኢንስታግራም ደንበኞቹ የሀሰት መረጃዎችን የሚጠቁሙበት አማራጭ ይፋ አደረገ

ኢንስታግራም ደንበኞቹ የሀሰት መረጃዎችን የሚጠቁሙበት አማራጭ ይፋ አደረአዲስ አበባ፣ ነሃሴ 10፣ 2011 (ኤፍ ቢ ሲ) ኢንስታግራም ደንበኞቹ በመተግበሪያው ላይ የሚሰራጩ የሀሰት መረጃዎችን የሚጠቁሙበት አማራጭ ተግባራዊ ማድረግ መጀመሩን አስታውቋል።

በአሁኑ ጊዜ በማህበራዊ ትስስር ገጾች ላይ የሚሰራጩ መረጃዎችን ትክክለኛነት ለማረጋገጥ አስቸጋሪ እየሆነ መምጣቱን ባለሙያዎች ይናገራሉ።

በእነዚህ ገጾች ላይ በሚተላለፉ የሀሰት መረጃዎችና የጥላቻ ንግግሮች ምክንያትም በርካታ ችግሮች ሲፈጠሩ ይስተዋላል።

ይህንን ችግር ለመቆጣጠርም የተለያዩ ቴክኖሎጂ ኩባንያዎች የመረጃዎችን ትክክለኛነት ለማረጋገጥ የሚያስችሉ አዳዲስ አሰራሮችን በመተግበር ላይ ናቸው።

ኢንስታግራም ይፋ ያደረገው ይህ አዲስ አማራጭም ደንበኞቹ በመተግበሪያው ላይ የሚሰራጩ የሀሰት መረጃዎችን በተመለከተ ለኩባንያው ሪፖርት የሚያደርጉበት ነው ተብሏል።

በዚህ መሰረትም ተጠቃሚዎች በመተግበሪያው ላይ የሚሰራጩ የሀሰት መረጃዎችንና የጥላቻ ንግግሮችን እንዲሁም የተለያዩ የመተግበሪያውን ህግና ደንብ የሚጥሱ አካላትን እንቅስቃሴ የተመለከቱ መረጃዎችን ለኩባንያው ያሳውቃሉ።

የደንበኞችን ሪፖርት ተከትሎም ኩባንያው የተለያዩ የማጣሪያ መንገዶችን በመጠቀም ካጣራ በኋላ አስፈላጊውን እርምጃ የሚወስድ መሆኑ በዘገባው ተመላክቷል።

ምንጭ፦  ሬውተርስ

 

You might also like
Comments
Loading...