Fana: At a Speed of Life!

ኢትዮጵያ የዲጂታል ኢኮኖሚ ግንባታ ላይ ትኩረት ሰጥታ እየሰራች ነው- ዶ/ር ኢንጂ ጌታሁን

አዲስ አበባ፣ ነሃሴ 8፣ 2011 (ኤፍ.ቢ.ሲ) ኢትዮጵያ የዲጂታል ኢኮኖሚ ግንባታ ላይ ትኩረት ሰጥታ እየሰራች መሆኑን የኢኖቬሽንና ቴክኖሎጂ ሚኒስትር ዶክተር ኢንጅነር ጌታሁን መኩሪያ ገለፁ፡፡

በኢኖቬሽንና ቴክኖሎጂ ሚኒስትር ዶክተር ኢንጅነር ጌታሁን መኩሪያ የተመራ የኢትዮጵያ የልኡካን ቡድን በቻይና በተዘጋጀው የኢኮኖሚ አውደ ጥናት ላይ ተሳትፈዋል፡፡

በዚሁ ወቅትም ሚኒስትሩ በቻይና ግዙፉ ኦን ላይን ግብይት ፈፃሚ ከሆነው አሊባባ ቡድን ዋና ስራ አስፈፃሚ ጃክ ማ ጋር ተወያይተዋል፡፡

የኢትዮጵያን ኢኮኖሚ ዲጂታላይዝ ለማድረግ በዘርፉ ልምድ ያለው አሊባባ ድጋፍ እንዲያደርግ ሚኒስትሩ ጠይቀዋል፡፡

ጃክ ማ በበኩላቸው የአሊባባ ቡድን ልምዱን ለኢትዮጵያ ለማካፈል ዝግጁ መሆኑን መናገራቸውን የኢኖቬሽንና ቴክኖሎጂ ሚኒስቴር አስታውቋል፡፡

ኢትዮጵያ የዲጂታል ኢኮኖሚ ግንባታ ላይ ትኩረት ሰጥታ እየሰራች ነው ያሉት ሚኒስትሩ፥ ጉዳዩ ጠቅላይ ሚኒስትር ዶክተር አብይ አህመድ ቀዳሚ አጀንዳ እንደሆነ ገልፀዋል፡፡

You might also like
Comments
Loading...