Fana: At a Speed of Life!

ኢትዮጵያ በመላው አፍሪካ ጨዋታዎች በወንዶች የወርልድ ቴኳንዶ ውድድር የወርቅ ሜዳሊያ አገኘች

አዲስ አበባ፣ ነሃሴ 17፣ 2011 (ኤፍ ቢ ሲ) ኢትዮጵያ በሞሮኮ እየተካሄደ በሚገኘው 12ኛው የመላ አፍሪካ ጨዋታዎች በወርልድ ቴኳንዶ የወንዶች ውድድር የመጀመሪያውን የወርቅ ሜዳሊያ አገኘች።

በውድድሩ በ63 ኪሎ ግራም የተወዳደረው ታሪኩ ግርማ የመጀመሪያውን የወርቅ ሜዳሊያ አስገኝቷል።

እንዲሁም በ54 ኪሎ ግራም በሰለሞን ቱፋ የነሀስ ሜዳሊያ አስመዝግባለች፡፡

ታሪኩ የቅድመ ማጣሪያ የመጀመሪያ ውድድሩን ከጊኒው ሶሞሀ ሳሊያ ጋር ተጫውቶ 25 ለ 3 በሆነ ውጤት በማሸነፍ ወደ ተከታዩ ዙር አልፏል።

በመቀጠልም በሩብ ፍፃሜውና በግማሽ ፍፃሜው ተጋጣሚዎቹን በማሸነፍ ለፍጻሜ ውድድር በቅቷል።

በትናንቱ የፍጻሜ ጨዋታም የቱኒዚያውን ከዛሚ ያሲንን ስምንት ለስድስት በማሸነፍ የወርቅ ሜዳሊያ ማግኘቱን ከኢትዮጵያ ኦሊምፒክ ኮሚቴ ያገኘነው መረጃ ያመላክታል።

በሌላም በኩል በቦክስ ውድድር በ63 ኪሎ ግራም አትሌት ሳሙኤል ሙሉጌታ እንዲሁም በ69 ኪሎ ግራም አትሌት መስፍን ብሩ የኬፕ ቨርዴ እና የናሚቢያ አቻዎቻቸውን በማሸነፍ ወደ ቀጣይ ዙር አልፈዋል።

You might also like
Comments
Loading...