Fana: At a Speed of Life!

አወንታዊ አመለካከት ያላቸው ሰዎች ረጅም ዕድሜ የመኖር ዕድል አላቸው – ጥናት

አዲስ አበባ፣ ነሃሴ 24፣ 2011 (ኤፍ ቢ ሲ) ቀና እና አወንታዊ አመለካከት ያላቸው ሰዎች ረጅም ዕድሜ የመኖር ዕድል እንዳላቸው ጥናት አመላክቷል።

በአሜሪካ ብሄራዊ የሳይንስ አካዳሚ መፅሄት ላይ የወጣው ጥናት እንደሚያመላክተው አወንታዊና ቀና አስተሳሰብ ያላቸው ሰዎች ከአማካይ የዕድሜ ገደብ ከ11 እስከ 15 በመቶ ተጨማሪ ዕድሜ የመኖር ዕድል አላቸው።

ጥናቱ የተካሄደው በ69 ሺህ 744 ሴቶች እና 1 ሺህ 429 ወንዶች ላይ ሲሆን፥ የሰዎቹን የአስተሳሰብ፣ የጤና እና የህይወት ተሞክሮ ለማወቅም የተለያዩ ጥያቄዎች መቅረባቸው ተነግሯል።

የጥናቱን ውጤት ለማወቅም በሴቶች ላይ 10 ዓመታት እንዲሁም በወንዶች ላይ ደግሞ የ30 ዓመታት ክትትል ተደርጓል።

በጥናቱ ውጤት መሰረትም አወንታዊ እና ቀና አመለካከት ያላቸው ሰዎች፥ ረጅም ዕድሜ ከመኖር ጋር ቀጥተኛ የሆነ ግንኙነት አላቸው።

ስለሆነም ነገሮችን በቀናነትና በራስ መተማመን የሚፈፅሙ ተስፈኛ ሰዎች ከአማካይ የዕድሜ ገደብ ከ11 እስከ 15 በመቶ ተጨማሪ ዕድሜ ወይም ከ85 ዓመታት በላይ የመኖር ዕድል እንዳላቸው በጥናቱ ተመላክቷል።

ምንጭ፦ሺንዋ

You might also like
Comments
Loading...