Fana: At a Speed of Life!

 አሜሪካ በኢራን ላይ የሳይበር ጥቃት ፈፀመች

አዲስ አበባ፣ ነሃሴ 23፣ 2011 (ኤፍ.ቢ.ሲ) አሜሪካ በኢራን ላይ በፈፀመችው የሳይበር ጥቃት ሀገሪቱ በነዳጅ ጫኝ መርከቦች ላይ ጥቃት የምትፈፀምበት መሳሪያ ላይ ጉዳት ማድረሷ ተገለፀ፡፡

የኢራን ብሄራዊ ዘብ  አብዮት በነዳጅ ጫኝ መርከቦች ላይ ጥቃት ለማድረስ የሚጠቀምበት መሳሪያ  በአሜሪካ የሳይበር ጥቃት እንደተፈፀመበት ተጠቁሟል፡፡

በዚህም ኢራን  በፔርሺያ ባህረሰላጤ በተለያዩ ሀገራት ነዳጅ ጫኝ መርከቦች ላይ የምታሳድረው ተፅዕኖ ለመቀነስ እንደሚያስችል ነው ዘገባው ያመለከተው፡፡

ኢራን የተፈፀመባትን ጥቃት ተከትሎ የወታደራዊ መገናኛ ኔትወርኩን ወደ አገልግሎት ለመመለስ ጥረት እያደረገች መሆኑ የተገለፀ ሲሆን በጥቃቱ  የጠፋውን መረጃ መመለሷ ተነግሯል፡፡

ይህ ጥቃት ያልተነገረው የሁለቱ ሀገራት የሳይበር ጦርነት መሆኑን ያሳየው ዘገባው ይህም አሜሪካ በኢራን ለተፈፀመባት ጥቃት የአፀፋ ምላሽ  እየሰጠች መሆኑን የሚያመለክት ነው ተብሏል፡፡

ምንጭ፡ ሲ ኤን ኢ ቲ

You might also like
Comments
Loading...