Fana: At a Speed of Life!

ኃይሌ ገብረስላሴ በዋግ ኸምራ ያስገነባውን ትምህርት ቤት አስመረቀ

አዲስ አበባ፣ ነሃሴ 17፣ 2011 (ኤፍ.ቢ.ሲ) ኃይሌ ገብረስላሴ በዋግ ኸምራ ያስገነባውን ትምህርርት ቤት አሰመረቀ።

ሻለቃ አትሌት ኃይሌ ገብረስላሴ ሚያዚያ 27 ቀን 2011 ዓመተ ምህረት በዋግ ኸምራ ብሔረሰብ አስተዳደር ፃግብጂ ወረዳ የሚገኘውን የገልኩ የዳስ ትምህርት ቤት ሙሉ በሙሉ ደረጃውን የጠበቀ አድርጎ ለማስገንባት የመሠረት ድንጋይ ማስቀመጡ ይታወሳል።

በወቅቱ “ትምህርት ቤቱን ለ2012 የትምህርት ዘመን ሙሉ በሙሉ ከዳስ ለማላቀቅ ጥረት አደርጋለሁ” ሲል ቃል ገብቶ እንደነበርም የሚታወስ ነው፡፡

በዚህም ግንባታው አራት ወራት ባልሞላ ጊዜ ተጠናቆ ለምርቃትና ለማስተማርም ተዘጋጅቷል።

ሻለቃ አትሌት ኃይሌ ገብረስላሴ ትናንት ማታ በሰቆጣ፣ ዛሬ ደግሞ ፃግብጂ ወረዳ ገልኩ ትምህርት ቤት በመገኘት ትምህርት ቤቱን አስመርቋል።

ኃይሌ ገብሥላሴ በሦስት ወራት ውስጥ በሁለት ሕንፃዎች የተከፈሉ ስምንት ክፍሎችን ማስገንባቱ ነው የተገለጸው፡፡

በትምህርት ቤቱ ምርቃ ስነ ስርዓት ላይም የአማራ ክልል ትምህርት ቢሮ ኃላፊ ዶክተር ይልቃል ከፋለ እና የሻለቃ አትሌት ኃይሌ ገብረስላሴ ባለቤት እንደተገኙም የአማራ መገናኛ ብዙሃን ድርጅት ዘግቧል፡፡

You might also like
Comments
Loading...