Fana: At a Speed of Life!

ቻይና ካናዳ በሆንግ ኮንግ የውስጥ ጉዳይ ላይ የምታደርገውን አላስፈላጊ ጣልቃ ገብነት እንድታቆም ጠየቀች

አዲስ አበባ፣ ነሃሴ 16፣ 2011(ኤፍ ቢ ሲ) ቻይና ካናዳ በሆንግ ኮንግ የውስጥ ጉዳይ ላይ የምታደርገውን አላስፈላጊ ጣልቃ ገብነት እንድታቆም ጥሪ አቅርባለች።

በሆንግ ኮንግ በተለያዩ ወንጀሎች የተጠረጠሩ ሰዎችን ለቻይና መንግስት አሳልፎ ለመስጠት የሚያስችል ረቂቅ ተግባራዊ ሊደረግ ነው መባሉን ተከትሎ ተቃውሞ  መቀስቀሱ ይታወቃል።

የሆንግ ኮንግ አስተዳደር ተግባራዊ  ይደረጋል የተባለው ረቂቁ ውድቅ መደረጉን ይፋ ቢያደርግም ህዝባዊ ተቃውሞው ግን አድማሱን በማስፋት የተሻለ ዲሞክራሲን ወደ መጠየቅ ተሸጋግሯል።

ቻይና በሆንግ ሆንግ ለተጀመረው ህዝባዊ አመፅ ተባብሶ መቀጠልም የተለያዩ አካላት እጅ ያለበት መሆኑን ስተገልፅ ቆይታለች።

በዚህ መሰረትም በቅርቡ ቻይና የአሜሪካ ባለስልጣናት በሆንግ ኮንግ የውጥ ጉዳይ ላይ በመግባት አላስፈላጊ እንቅስቃሴዎች እያከናወኑ መሆናቸውን በመግለፅ ከድርጊታቸው እንዲቆጠቡ አስጠንቅቃ ነበር።

በተመሳሳይ በሆንግ ኮንግ የቻይና የውጭ ጉዳይ ሚኒስቴር ተወካይ በዛሬው ዕለት በሰጡት መግለጫ ካናዳ በሀገሪቷ ላይ የምታደረገውን አላስፈላጊ ጣልቃ ገብነት ያለምንም ቅድ መሁኔታ እንድታቆም አስጠንቅቀዋል።

እንደ ተወካዩ  ገለፃ ካናዳ በሆንግ ኮንግ እያከናወነችው ያለው ሃላፊነት የጎደለው እንቅስቃሴ በሀገሪቱ የተቀሰቀሰውን ህዝባዊ ተቃውሞ የሚያባብስ ነው።

ስለሆነም ካናዳ በሆንግ ከንግ የውስጥ ጉዳይ ላይ የምታደርገውን አላስፈላጊ ጣልቃ ገብነት  በፍጥነት ልታቆም ይገባል ነው ያሉት።

የካናዳው ጠቅላይ ሚኒስትር ጀስቲን ቱርዶ በበኩላቸው ሀገራቸው በሆንግ ኮንግ  የውስጥ ጉዳይ ላይ ጣልቃ አለመግባታቸውን በመግለፅ፥ ዜጎች ያነሱትን ጥያቄ  ምንም አይነት የሰብዓሚ መብት ጥሰት ሳይፈፀም ሰላማዊ  በሆነ መልኩ መፍታት እንደሚገባ አሳስበዋል።

የቀድሞዋ የብሪታንያ ቅኝ ግዛት ሆንግ ኮንግ ከፈረንጆቹ 19 97 ጀምሮ በቻይና ስር የምትተዳደር መሆኑ ይታወቃል።

ቤጂንግ ለሆንግ ኮንግ ራስ ገዝና ልዩ አስተዳደር ነጻነት እሰጣለሁ በሚል በአንድ ሃገር ሁለት አስተዳደር ስርዓት እያስተዳደረቻት ትገኛለች።

ምንጭ ፥ሲ ጂ ቲ ኤን

You might also like
Comments
Loading...