Fana: At a Speed of Life!

ቻይና አሜሪካ በሆንግ ኮንግ የውስጥ ጉዳይ ላይ የምታደርገውን አላስፈላጊ ጣልቃ ገብነት እንድታቆም አሳሰበች

አዲስ አበባ፣ነሃሴ 7፣2011 (ኤፍ ቢ ሲ) ቻይና አሜሪካ በሆንግ ኮንግ የውስጥ ጉዳይ ላይ የምታደርገውን አላስፈላጊ ጣልቃ ገብነት እንድታቆም ጥሪ አቅርባለች ።

በሆንግ ኮንግ በወንጀል የተጠረጠሩ ሰዎችን ለቻይና አሳልፎ መስጠት የሚያስችለውን ረቂቅ በመቃወም የተቀሰቀሰው ተቃውሞ  ዛሬም ተጠናክሮ ቀጥሏል።

የሆንግ ኮንግ አስተዳደር መሪ ካሪ ላም ረቂቁ ውድቅ መደረጉን ይፋ ቢያደርጉም ህዝባዊ ተቃውሞው ግን አድማሱን በማስፋት የተሻለ ዲሞክራሲን ወደ መጠየቅ ተሸጋግሯል።

የቻይና የውጭ ጉዳይ ሚኒስቴር ቃል አቀባይ ሁአ ቹን ይንግ ጉዳዩን አስመልክተው በሰጡት ማብራሪያ፥ በሆንግ ኮንግ እየተባባሰ ለመጣው ህዝባዊ ተቃውሞ አሜሪካን ተጠያቂ አድርገዋል።

በዚህም የአሜሪካ  ባለስልጣናት  በሆንግ ኮንግ  የውስጥ ጉዳይ ላይ የሚያከናውኑት ሃላፊነት የጎደለው ተግባር  ግዛቷን የብጥብጥ ቀጠና ለማድረግ ያለመ  ሆኑን ገልጸዋል።

በተለይም  አሜሪካ  በግዛቷ በሚኖሩ ነጭና ጥቁር ዜጎች መካከል ልዩነት ብሎም ብዥታ ለመፍጠር የምታከናውነውን እንቅስቀሴ የኮነኑት ሁአ ቹን፥ ድርጊቱ በሆንግ ሆንግ  ሰላምና መረጋጋት  እንዳይፈጠር  ያለመ መሆኑን አብራርተዋል።

ስለሆነም አሜሪካ በሆንግ ከንግ የውስጥ ጉዳይ ላይ የምታደርገውን አላስፈላጊ ጣልቃ ገብነት  በፍጥነት ልታቆም ይገባል ነው ያሉት።

የቀድሞዋ የብሪታንያ ቅኝ ግዛት ሆንግ ኮንግ ከፈረንጆቹ 19 97 ጀምሮ በቻይና ስር የምትተዳደር መሆኑ ይታወቃል።

ቤጂንግ ለሆንግ ኮንግ ራስ ገዝና ልዩ አስተዳደር ነጻነት እሰጣለሁ በሚል በአንድ ሃገር ሁለት አስተዳደር ስርዓት እያስተዳደረቻት ትገኛለች።

ምንጭ ፦ሺንዋ

You might also like
Comments
Loading...