Fana: At a Speed of Life!

ትዊተር እና ፌስቡክ የሆንግ ኮንግ ተቃውሞን ለማዳከም በቻይና የተከፈቱ ሃሰተኛ አድራሻዎችን ዘጉ

አዲስ አበባ ፣ ነሃሴ 14 ፣ 2011 (ኤፍ ቢ ሲ) ትዊተር እና ፌስቡክ የሆንግ ኮንግ ተቃውሞን ለማዳከም በቻይና የተከፈቱ ሃሰተኛ አድራሻዎች መዝጋታቸውን አስታወቁ።

ሃሰተኛ አድራሻዎቹ ቻይና ውስጥ መከፈታቸውን ጠቅሰው፥ የሆንግ ኮንግን ፖለቲካዊ ተቃውሞ ቅቡልነት ለማሳነስ ይሰሩ ነበር ብለዋል።

ሃሰተኛ ገጾቹ የሆንግ ኮንግን ተቃውሞ ተቀባይነት በማሳጣት የከፊል ራስ ገዟ አስተዳደር ላይ አሉታዊ ተፅዕኖ ለመፍጠር ያለሙ ናቸውም ነው ያሉት።

ከዚህ ጋር ተያይዞም ትዊተር በቻይና መንግስት ድጋፍ የሚደረግላቸው 936 ሃሰተኛ አድራሻዎችን መዝጋቱን ገልጿል።

ከዚህ ባለፈም 200 ሺህ የሚደርሱ የትዊተር አድራሻዎች ሃሰተኛ መረጃዎችን ከማሰራጨታቸው በፊት በተደረገ ማጣራት ታግደዋልም ነው ያለው።

ፌስ ቡክ በበኩሉ የሆንግ ኮንግን ተቃውሞ ለማሳጣት ይሰሩ ነበር ያላቸውንና በቻይና መንግስት ድጋፍ ይደረግላቸው ነበር ያላቸውን ገጾች መዝጋቱን ይፋ አድርጓል።

በዚህም ሰባት ገጾች፣ ሶስት የቡድን እና አምስት የግለሰብ አድራሻዎችን ዘግቷል።

ሃሰተኛ ገጾቹ ከሆንግ ኮንግ አስተዳደር ጋር ባለው ልዩነት ሳቢያ ለተቃውሞ አደባባይ የወጡ የማህበረሰብ አንቂዎችን፥ ለሆንግ ኮንግ የማያስቡና በድብቅ ማንነት የሚንቀሳቀሱ በሚል በሚል ይኮንኗቸዋል።

በገጾቻቸው ላይ በሚለጥፏቸው እነዚህንና መሰል ይዘት ያላቸው ጽሁፎችም የተነሳውን ተቃውሞ ፖለቲካዊ ቅቡልነት የማሳነስና የተቃዋሚዎችን ጥያቄ የማሳጣት ይዘት ያላቸውን ጽሁፎች መልቀቃቸው ተገልጿል።

የሆንግ ኮንግ አስተዳደር በወንጀል የሚጠረጠሩ ሰዎችን ለቻይና አሳልፎ መስጠት የሚያስችል ረቂቅ ህግ ማዘጋጀቱ፥ ለተቃውሞው ምክንያት ሆኗል።

ካለፈው ሰኔ ወር ጀምሮም የማህበረሰብ አንቂዎች ለተከታታይ ሳምንታት አደባባይ በመውጣት የአስተዳደሩን አካሄድ እየተቃወሙ ይገኛሉ።

 

 

ምንጭ፦ ሬውተርስና ቢቢሲ

You might also like
Comments
Loading...