Fana: At a Speed of Life!

ብሩህ አመለካከት ያላቸው ሰዎች ጥሩ እንቅልፍ የመተኛት ልምድ አላቸው-ጥናት

አዲስ አበባ፣ ነሃሴ 2፣ 2011 (ኤፍ ቢ ሲ) ብሩህ አመለካከት ያላቸው ሰዎች ሰላማዊ እንቅልፍ የመተኛት ልምድ እንዳላቸው አንድ ጥናት ይፋ አደርጓል።

የኤሊኖይ ዩኒቨርሲቲ ተመራማሪዎች ያካሄዱት ጥናት እንደሚያመላክተው ብሩህና አወንታዊ አመለካከት ያላቸው ሰዎች ሰላማዊ የሆነ እንቅልፍ ለረጅም ሰዓታት ይተኛሉ።

ጥናቱ የተካሄደው 35 ሺህ 500 በሚሆኑ ዕድሜያቸው ከ32 እስከ 51 በሚሆኑ ሰዎች ላይ መሆኑ በዘገባው ተመላክቷል።

በጥናቱ የተሳተፉ ሰዎችን አመለካከት ለመለየትም ተመራማሪዎች የተለያየ ይዘት ያላቸውና አስተሳሰባቸውን ሊለኩ የሚችሉ ጥያቄዎችን ጠይቀዋል።

ጥናቱ ከተካሄደባቸው ሰዎች መካካል ጥሩ አመለካከት ያላቸው ሰዎች 78 በመቶ በላይ አሉታዊ አስተሳሰብ ከሚያራምዱት በተሻለ ሰላማዊ እንቅልፍ ለረጅም ሰዓታት የሚተኙ መሆኑ ተገልጿል።

ምንጭ፦ ሺንዋ

You might also like
Comments
Loading...