Fana: At a Speed of Life!

ቤይካር በቱርክ  የመጀመሪያ የሆነችውን  በራሪ መኪና ይፋ አደረገ

አዲስ አበባ፣ ነሃሴ13፣ 2011 (ኤፍ ቢ ሲ) ቤይካር የተሰኘው የቱርክ ቴክኖሎጂ ኩባንያ በሀገሪቱ የመጀመሪያ የሆነቸውን በራሪ መኪና መገጣጠሙን ይፋ አድርጓል።

የተለያዩ ሰው አልባ አውሮፕላኖችን በመገጣጠም የሚታወቀው ቤይካር፥በአይነቷ ለየት ያለችና የመብረር ችሎታ ያላት መኪና መገጣጠሙን  የኩባንያው ሃላፊ ሴልኩክ ባይራክታር ተናግረዋል።

በራሪዋ መኪና ሲዜሪ ተብላ የተሰየመች መሆኑም አናዶሉ የዜና ወኪል ዘግቧል።

የፊታችን መስከረም ወር ላይ በሚካሄደው የቱርክ  ሀገር አቀፍ የቴክሎኖጂ ፌስቲቫል ላይ   ለዕይታ የምትቀርብ መሆኑም ተጠቁሟል።

እንደ አውሮፓውያኑ አቆጣጠር በ1984 የተመሰረተው ቤይካር የቴክኖሎጂ ኩባንያ ለጦርነት አገልግሎት የሚውሉና የተለያዩ አገልግሎቶችን የሚሰጡ ሰው አልባ አውሮፕላኖችን በማምረት ይታወቃል።

You might also like
Comments
Loading...