Fana: At a Speed of Life!

በ30 ዎቹ የእድሜ ክልል የሚከሰት ከፍተኛ የደም ግፊት የአዕምሮ ጤናን ሊያውክ ይችላል

አዲስ አበባ፣ ነሃሴ 15፣ 2011 (ኤፍ.ቢ.ሲ) በ30 ዎቹ የእድሜ ክልል የሚከሰት የደም ግፊት በወደፊት ህይወት የአዕምሮ ጤናን ሊያውክ እንደሚችል ጥናት አመለከተ።

ስለዚህም እድሜያቸው 30 ዎቹ ውስጥ የገቡ ሰዎች ወደፊት በአዕምሯቸው ላይ ሊከሰት የሚችል የጤና እክል ከወዲሁ ለመከላከል የደም ግፊታቸውን ሁኔታ ቢከታተሉ መልካም ነው ሲልም ጥናቱ መክሯል።

ጥናቱ በአውሮፓውያኑ 1946 በተወለዱና 500 ሰዎች ላይ ክትትል በማድረግ የተሰራ መሆኑ ተነግሯል።

በዚህም በ30 ዎቹ የእድሜ ክልል ለከፍተኛ የደም ግፊት የተጋለጡ ሰዎች የደም ቧንቧቸው ላይ በሚደርሰው ጉዳይ አዕምሯቸው ላይ ጉዳት ሲያስከትል ተመልክቷል።

የዘርፉ ተመራማሪዎች እንደሚናገሩት ከሆነ በ30 እና 40 ዎቹ የእድሜ ክልል የሚከሰት የደም ግፊት በአእምሮ ጤና ላይ የሚያጋጥም የጤና እክልን ያፋጥናል።

ተመራማሪዎች የደም ግፊት በአእምሮ ጤና ላይ እክል እንደሚያስከትል ሲለዩ ይህ የመጀመሪያቸው እንዳልሆነም ነው የተገለፀው።

የአሁኑ ጥናት ግን የደም ግፊት በየትኛው የእድሜ ክልል በኪሰት አዕምሮ ላይ ጉዳት ያደርሳል የሚለውን ለመለየት የተካሄደ መሆኑም ተነግሯል።

በዚህም በ36 እና 43 ዓመት እድሜ መካከል የደም ግፊት መጨመር በወደፊት ህይወት የአዕምሮ ጤና እክል የመጋለጥ እድላቸው ከፍ ብሎ መታየቱን አስታውቋል።

ምንጭ፦ www.bbc.com

You might also like
Comments
Loading...