Fana: At a Speed of Life!

በ12ኛው መላ አፍሪካ ጨዋታ ለመሳተፍ ወደ ሞሮኮ ለሚያቀናው የኢትዮጵያ ልዑክ ሽኝት ተደረገለት

አዲስ አበባ፣ ነሃሴ 8፣ 2011 (ኤፍ.ቢ.ሲ) በሞሮኮው 12ኛው መላ የአፍሪካ ጨዋታ ለሚሳተፈው የኢትዮጵያ ልዑክ ትናትንት ምሽት በሂልተን ሽኝት ተደረገለት፡፡

በአሸኛነት ፕሮግራሙ የኢፌዴሪ ስፖርት ኮሚሽን ኮሚሽነር አቶ እርስቱ ይርዳው ፣ የኢትዮጵያ ኦሎምፒክ ኮሚቴ ፕሬዚዳንት ዶክተር አሸብር ወልደ ጊወርጊስ እና የኢትዮጵያ አትሌቲክስ ፌዴሬሽን ተቀዳሚ ፕሬዚዳንት ኮረኔል ደራርቱ ቱሉ ተገኝተዋል፡፡

ኮሚሽነሩ አቶ እርስቱ ይርዳ ተሳታፊዎቹ ሀገርን የሚወክሉ በመሆኑ የቡድን መንፈስን በማጠንከር ፣ ኢትዮጵያዊ ዲሲፕሊን በመጠበቅ ፣ በብቃት እና በውጤት የተሻለ በመሆን የኢትዮጵያን ሰንደቅ በአፍሪካ መድረክ ከፍ እንዲያደርጉ መልዕክት አስታልፈዋል፡፡

የኢትዮጵያ ኦሎምፒክ ኮሚቴ ፕሬዚዳንት ዶክተር አሸብር ወልደጊወርጊስ በበኩላቸው በቆይታችሁ በኢትዮጵያዊ ስነ ምግባር በዋነኝነት ደግሞ ህዝቡ የሚጠብቀውን ውጤት በማስመዝገብ ተልዕኳችሁን አሳክታችሁ ልትመለሱ ይገባል ብለዋል።

ለዚህም ኮሚሽኑ እና ኦሎምፒክ ኮሚቴ አስፈላጊውን ድጋፍ አድርጓል ብለዋል።

የኢትዮጵያ አትሌቲክስ ፌዴሬሽን ተቀዳሚ ፕሬዚዳንት ኮረኔል ደራርቱ ቱሉ ሀገርን መወከል ከባድ መሆኑን የገለፀች ሲሆን ሀገራችሁን በጥሩ ስነ ምግባር እና ስፖርታዊ ጨዋነት ልታስጠሩ ይገባል ብላለች።

የተሳፊ ልዑካን ቡድን አባላት ተወካዮች በውድድሩ የተሻለ ውጤት ለማስመዝገብ በቂ ዝግጅት ማድረጋቸውን በመድረኩ ገልፀዋል ።

ኢትዮጵያ ከፈረንጆቹ ነሐሴ 19 – 31 ቀን 2019 በሞሮኮ ራባት በሚካሄደው 12ኛው የመላ አፍሪካ ጨዋታ በ13 የስፖርት ዓይነቶች እንደምትሳተፉ የወጣቶችና ስፖርት ሚኒስቴር አስታውቋል።

You might also like
Comments
Loading...