Fana: At a Speed of Life!

በፓኪስታን ካራቺ ከተማ በደረሰ የጎርፍ አደጋ በትንሹ የ17 ሰዎች ሕይወት አለፈ

አዲስ አበባ፣ ነሃሴ 6፣ 2011 (ኤፍ.ቢ.ሲ) በደቡባዊ ፓኪስታን ካራቺ ከተማ ከባድ ዝናብ ባስከተለው ጎርፍ አደጋ በትንሹ የ17 ሰዎች ሕይወት አለፈ።

በወደብ ከተማዋ ካራቺ የጣለው ከባድ ዝናብ ባስከተለው የጎርፍ አደጋ እስካሁን የተዘጉ መንገዶች መኖራቸው የነፍስ አድን ሰራተኞች ለተጎጂዎች በፍጥነት እንዳይደርሱ ማድረጉ ተነግሯል።

በዚህም የሟቾች ቁጥር ከተጠቀሰው በላይ ሊያሻቅብ እንደሚችል የአደጋ ጊዜ ሰራኛ ባለሙያ የሆኑት አንዋር ቃሲም ተናግረዋል፡፡

እንካሁን በጎርፍ አደጋው ህይወታቸውን ካጡት መካከል ሰባቱ የጎርፍ አዳጋውን ተለትሎ በተከሰተ የኤልክትሪክ አደጋ እና ስድስት ያህሉ የመኖሪያ ቤት ጣራ ተድርምሶ ሕይወታቸው ማለፉ ነው የተነገረው።

ከነፍስ አድን ሰራተኞቹ በተጨማሪ የሃገሪቱ መከላከያ ሰራዊት በነፍስ አድን ስራ ላይ መሰማራቱም ነው የተገለጸው፡፡

ዝናቡ በሚቀጥሉት 24 ሰዓታት ቀጣይነት እንዳለውም የሚትሮሎጂ ትምበያ እንደሚያመላክት ነው የተገለፀው።

ምንጭ፡- አልጀዚራ

You might also like
Comments
Loading...