Fana: At a Speed of Life!

በፓርላማ ክርክር ወቅት የባልደረባቸውን ልጅ ጡጦ ያጠቡት አፈ ጉባዔ

አዲስ አበባ፣ ነሃሴ 17፣ 2011 (ኤፍ ቢ ሲ) የኒውዚላንድ የህዝብ ተወካዮች ምክር ቤት አፈጉባኤ በምክር ቤቱ ክርክር ላይ የነበሩ ሴት ባልደረባቸውን ልጅ ጡጦ ማጥባታቸው ተሰምቷል።

የኒውዚላንድ ፓርላማ በሳለፍነው ረቡዕ ባካሄደው ስብሰባ ላይ አንዲት ሴት የፓርላማ አባል ወንድ ህፃን ልጃቸውን ይዘው ገብተዋል።

ባልተለመደ ሁኔታ ህፃኑን ፓርላማ ውስጥ የተመለከቱት አፈ ጉባኤ ትሬቮር ማላርድ ለምክር ቤቱ እንግዳ የሆነውን  ህፃን የተንከባከቡበት መንገድ አግራሞትን አጭሯል።

አፈ ጉባኤው ህፃኑን በምክር ቤቱ ክርክር ላይ ከነበሩት እናት ታማቲ ኮፈይ በመቀበል ጡጦ በማጥባት ተንከባክበውታል።

ከዚህ ባለፈም የምክር ቤቱን ክርክር እያዳመጡ ህፃኑ እንዳያለቅስ ሲያጫውቱት ተስተውለዋል።

ክስተቱን የሚያሳየው ተንቀሳቃሽ ምስል በማህበራዊ ትስስር ገጾች መለቀቁን ተከትሎም አፈ ጉባኤው ከበርካታ ሰዎች አድናቆት ተችሯቸዋል።

ምንጭ፦theguardian.com

You might also like
Comments
Loading...