Fana: At a Speed of Life!

በገጠር ለ1 ነጥብ 3 ሚሊየን ዜጎች የስራ እድል መፈጠሩን የግብርና ሚኒስቴር አስታወቀ

አዲስ አበባ፣ ነሃሴ 3፣ 2011 (ኤፍ ቢ ሲ) በሀገሪቱ በገጠር ለ1 ነጥብ 3 ሚሊየን ዜጎች የስራ እድል መፈጠሩን የግብርና ሚኒስቴር አስታወቀ፡፡

ሚኒስትር ዲኤታው ዶክተር ካባ ኡርጌሳ በገጠር የሀገሪቱ ክፍሎች ባሉ የስራ እድሎች ዜጎችን ተጠቃሚ ለማድረግ እየተሰራ ነው ብለዋል።

በግብርናው ዘርፍ የተደረጉ የኢንቨስትመንት እንቅስቃሴዎችም በስራ እድል ፈጠራው የራሳቸው ሚና እንደነበራቸው ተገልጿል።

በሚኒስቴሩ የገጠር የስራ እድል ፈጠራ ዳይሬክተር አቶ ስለሺ በቀለ በበኩላቸው፥ ከ2 ነጥብ 5 ቢሊየን ብር በላይ ተዘዋዋሪ ፈንድ ብድር መመቻቸቱን ገልጸዋል።

ከዚህ ባለፈም ለወጣቶቹ የ5 ቢሊየን የገበያ ትስስር መፈጠሩንም ጠቅሰው፥ ከዚህ ውስጥ 65 በመቶው ቋሚ መሆኑን አስረድተዋል።

በ2012 በጀት አመትም ለ1 ነጥብ 7 ሚሊየን ዜጎች የስራ እድል ለመፍጠር ቅድመ ዝግጅት እየተደረገ መሆኑን ተናግረዋል ።

ይህን እቅድ ለማሳካትም ከክልሎች ጋር ውይይት እየተደረገ ሲሆን የዘርፉ አፈፃፀም ግምገማ በቢሾፍቱ ተካሂዷል፡፡

በሀይለኢየሱስ መኮንን

You might also like
Comments
Loading...