Fana: At a Speed of Life!

በዲሞክራቲክ ኮንጎ በተከሰተ የኩፍኝ ወረርሽኝ የ2ሺህ 700 ህፃናት ህይወት አለፈ

አዲስ አበባ፣ ነሃሴ13፣ 2011 (ኤፍ ቢ ሲ) በዲሞክራቲክ ኮንጎ በተከሰተ የኩፍኝ ወረርሽኝ በሽታ የ2ሺህ 700 ህፃናት ህይወት ማለፉ ተነግሯል።

በሀገሪቱ ባሳለፍነው ሰኔ ወር ጀምሮ በወረርሽኝ መልኩ የተከሰተው የኩፍኝ  በሽታ 2ሺህ 700 ህፃናትን ለህልፈት መዳረጉ ተነግሯል።

በሽታው ይህን ያህል ቁጥር ያላቸው ህፃናትን ሊገድል የቻለውም  መንግስት ወረርሽኙን ለመከላከል ያደረገው ክትትል አናሳ በመሆኑ ነው ተብሏል።

በዲሞክራቲክ ኮንጎ የሜድሰ ሶ ፍሮንትዬር ተልዕኮ ኃላፊ የሆኑት ካርል ያንሰን እንደተናገሩት ከሃገሪቱ 26 ግዛቶች መካከል በ23ቱ ወረርሽኙ ተከስቷል።

በሀገሪቱ በአሄኑ ወቅት የተከሰተው የኩፍኝ ወረርሽኝ በሽታም ባለፉት 10 ዓመታት በላይ ኮንጎ ውስጥ ከታዩት መካከል ትልቁ መሆኑ ተነግሯል።

የመደበኛ ክትባት አለመኖር፣ የንጽህና አጠባበቅ ችግር፣ የግጭት መስፋፋት እና ከፍተኛ ቁጥር ያላቸው ተፈናቃዮች መኖራቸው ለበሽታው መስፋፋት አስተዋፅኦ ማበርከቱን ነው ሃላፊው የተናገሩት።

በሽታውን ለመከላከልና ህክምና ለመስጠት ከሚያስፈልገው 8 ነጥብ 9 ሚሊየን ዶላር እስከ አሁን የተገኘው 2 ነጥብ 5 ሚሊዮን ዶላር ብቻ መሆኑን ለቢቢሲ ገልጸዋል።

በሽታው ከተከሰተበት ጥር ወር እስከ ነሃሴ ባለው ግዜ 2 ሺህ 700 ህፃናት ለህልፈት መዳረጋቸው የተገለፀ  ሲሆን፥ ይህም ባለፈው ዓመት በኢቦላ በሽታ ከሞቱት ሰዎች ቁጥር ጋር ሲነፃፃር ከፍተኛ መሆኑ ተገልጿል።

You might also like
Comments
Loading...