Fana: At a Speed of Life!

በደጀን ወረዳ በደረሰ የትራፊክ አደጋ የሰው ሕይወት አለፈ

አዲስ አበባ ፣ ነሃሴ 8 ፣ 2011 (ኤፍ ቢ ሲ) በምስራቅ ጎጃም ዞን ደጀን ወረዳ በደረሰ የመኪና አደጋ የሰው ሕይወት መጥፋቱን የደጀን ወረዳ ኮሙዩኒኬሽን ጉዳዮች ጽህፈት ቤት አስታወቀ።

አደጋው ትናንት በደጀን ወረዳ ዘመትን ቀበሌ ከቀኑ ስድስት ሰዓት ተኩል አካባቢ የኮድ ቁጥሩ ኢት – 82279 የሆነ ኢትዮ ባስ የህዝብ ማመላለሻ ከተሳቢ መኪና ጋር በመጋጨቱ መድረሱን ነው ጽህፈት ቤቱ ያስታወቀው።

በአደጋው የኢትዮ ባስ አሽከርካሪን ጨምሮ እስካሁን የሁለት ሰዎች ህይዎት ሲያልፍ 39 ሰዎች ደግሞ ተጎድተዋል ነው የተባለው።

ከእነዚህ ውስጥ 11 ሰዎች ላይ ከባድ ጉዳት ሲደርስ 26 ሰዎች ደግሞ ቀላል ጉዳት ደርሶባቸዋል።

ቀላል ጉዳት የደረሰባቸው 26ቱ ሰዎች በጤና ጣቢያ እና በደጀን ወረዳ የመጀመሪያ ደረጃ ሆስፒታል ታክመው ወደ ቤታቸው ተመልሰዋል።

ከባድ ጉዳት ከደረሰባቸው መካከል አንደኛው ተሳፋሪ ወደ አዲስ አበባ ሌሎቹ ደግሞ ወደ ደብረማርቆስ ሆስፒታል ሪፈር ተደርጎላቸዋል።

 

You might also like
Comments
Loading...