Fana: At a Speed of Life!

በደቡብ ክልል በስምንት ከተሞች ከአስራ ስምንት አመት በታች ለሆኑ ተማሪዎች የልደት ካርድ በነፃ እየተሰጠ ነው

አዲስ አበባ፣ ነሃሴ 11፣ 2011 (ኤፍ.ቢ.ሲ) በደቡብ ክልል በስምንት ከተሞች ከአስራ ስምንት አመት በታች ለሆኑ ተማሪዎች የልደት ካርድ በነፃ መስጠት መጀመሩን የክልሉ ወሳኝ ኩነቶች ምዝገባ ኤጀንሲ አስታወቀ ፡፡
 
የኤጀንሲው ዋና ስራ አስኪያጅ አቶ ደምስ ገብሬ ለፋና ብሮድካስቲን ኮርፖሬት እንደተናገሩት ለ15 ቀናት ብቻ በሚቆየው ምዝገባ ከ100 ሺህ በላይ ተማሪዎች የልደት ካርድ ያገኛሉ እንደሚጠበቅ ገልፀዋል ፡፡
 
በነፃ የልደት ካርድ የሚያገኙበት የምዝገባ ሒደት ነሃሴ 7 የጀመረ ሲሆን ነሃሴ 24 ይጠናቀቃል ተብሎ ይጠበቃል ፡፡
 
ከማክሰኞ ጀምሮ እየተሰጠ በሚገኘው በነፃ የልደት ካርድ የመስጠቱ ሂደት ከእቅድ በላይ በርካታ ተማሪዎች እየተመዘገቡ እንደሚገኙም ተገልጿል ፡፡
 
በመደበኛነት እየተሰራበት የሚገኘው የጋብቻ የፍቺ የሞትና የልደት ምዝገባ በሁሉም የክልሉ አካባቢዎች አገልግሎት እየተሰጠ እንደሚገኝ አቶ ደምስ ተናግረዋል፡፡
 
የልደት ካርድ ምዝገባው በሀዋሳ ፣ በወልቂጤ፣ በቁሊቶ፣ በወንዶገነት፣ በወራቤ፣ በሶዶ፣ በሆሳህና ዱራሜ ከተሞች በመካሄድ ላይ እንደሚገኝም ተጠቁሟል ፡፡
 
በብርሃኑ በጋሻው
You might also like
Comments
Loading...