Fana: At a Speed of Life!

በዓይነቱ ከምስራቅ አፍሪካ ብቸኛ ነው የተባለ የውሃ ፓርክ በቢሾፍቱ ተመርቆ ለአገልግሎት ክፍት ሆነ

አዲስ አበባ ፣ ነሃሴ 25 ፣ 2011 (ኤፍ ቢ ሲ) የኩሪፍቱ ሪዞርት እና ስፓ በቢሾፍቱ ከተማ ያስገነባው የውሃ ፓርክ ዛሬ ተመርቆ ለአገልግሎት ክፍት ሆነ።

ፓርኩ በዓይነቱ በምስራቅ አፍሪካ ብቸኛው መሆኑን በምረቃ ስነ ስርዓቱ ላይ ተገልጿል።

በ72 ሺህ ካሬ ሜትር ላይ ያረፈው የውሃ ፓርኩ፥ በወስጡ የህፃናት እና የውሃ መጫወቻዎች፣ መዋኛ ገንዳዎች፣ 123 ሱቆች እና ሶስት ባንኮችን መያዙን ነው የኩሪፍቱ ሪዞርት እና ስፓ ባለቤት አቶ ታዲዮስ ጌታቸው የተናገሩት።

ፓርኩ ለ1 ሺህ ወጣቶች የስራ አድል መፍጠሩንም ባለቤቱ ተናግረዋል።

ለሀገሬቱ የቱሪዘም ኢንዱስትሪም የራሱ ጠቀሜታ እንዳለው ነው የተመለከተው።

በሌላ በኩል ኩሪፍቱ ሆቴል እና ስፓ  ለሚያስገነባው ከ1ኛ እስከ 8ኛ ክፍል ለሚያስተምር የመጀመሪያ ደረጃ ትምህርት ቤት ግንባታም በክልሉ ምክትል ርእሰ መስተዳደር አቶ ሽመልስ አብዲሳ እና በሌሎች የክልሉ ከፍተኛ ባለስልጣናት የመሰረት ድንጋይ ተቀምጧል።

 

በሃይማኖት ኢያሱ

You might also like
Comments
Loading...