Fana: At a Speed of Life!

በካፍ ኮንፌዴሬሽን ዋንጫ ፋሲል ከነማ ከአዛም ጋር የመልስ ጨዋታውን ዛሬ በዳሬሰላም ያደርጋል

አዲስ አበባ፣ ነሃሴ 18፣ 2011 (ኤፍ.ቢ.ሲ) በካፍ ኮንፌዴሬሽን ዋንጫ ቅድመ ማጣርያ የመልስ ጨዋታ የኢትዮጵያው ፋሲል ከነማ ዳሬ ሰላም ላይ ከታንዛኒያው አዛም ዛሬ የመልስ ጨዋታውን ያደርጋል።

የፋሲል ከነማ እና የአዛም ጨዋታም በዛሬው እለት በታንዛኒታ ዳሬሰላም ከተማ በሚገኘው በአዛም ኮምፕሌክስ ስታዲየም ከቀኑ 10 ሰዓት ጀምሮ ይካሄዳል።

ፋሲል ከነማ ከአዛም ጋር ላለበት የመልስ ጨዋታ ባሳለፍነው ረቡዕ ዳሬሰላም የገባ ሲሆን የተለያዩ ዝግጅቶችንም ሲያደርግ ቆይቷል።

የመልስ ጨዋታው በሚካሄድበት የአዛም ኮምፕሌክስ ሜዳም በትናንትናው እለት የመጨረሻውን ልምምድ ማድረጉ ተገልጿል።

ፋሲል ከነማ ከአዛም ጋር በባህር ዳር ስታዲየም በተካሄደው ጨዋታ የማሸነፊያዋን ጎል ያስቆጠረው በዛብህ መለዮ በጉዳት ምክንያት ከቡድኑ ጋር ወደ ዳሬሰላም እንዳልተጓዘም ከክለቡ የተገኘ መረጃ ያመለክታል።

ቀሪዎቹ ሌሎች ሁሉም ተጫዋቾች በሙሉ ጤንነት ላይ እንደሚገኙም ነው ፋሲል ከነማ ያስታወቀው።

የሳፊል ከነማ አሰልጣኝ ስዩም ከበደ ከአዛም ጋር ላለባቸው የመልስ ጨዋታ በቂ ዝግጅት ማግደረጋቸውን ገልፀው፤ ጨዋታውንም ጥንቃቄ በተሞላበት መልኩ በማካሄድ ውጤት አስጠብቆ ለመውጣት መዘጋጀታቸውን አስታውቀዋል።

በአፍሪካ ኮንፌዴሬሽን ካፕ ውድድር ተሳታፊ የሆነው ፋሲል ከነማ የመጀመሪያውን የማጣሪያ ጨዋታ በሜዳው የባህርዳር አለማቀፍ ስታዲየም ማድረጉ ይታወሳል።

ፋሲል ከነማ የታንዛኒያውን አዛምን በሜዳው ባስተናገደበት ጨዋታም በዛብህ መለዮ ባስቆጠራት ብቸኛ ጎል 1ለ0 በማሸነፍ ሙሉ ሶስት ነጥብ ይዞ መውጣት ችሏል።

You might also like
Comments
Loading...